![Тәртіп сақшысына қол жұмсаған тараздық тұрғын қамауға алынды](/media/2020/04/02/whatsapp-image-2020-04-02-at-18.34.59.jpeg)
Жамбыл облыстық полиция департаментінің мәліметінше, 34 жастағы Тараз қаласының тұрғыны полиция қызметкерінің төтенше жағдай талаптарына сәйкес, тиісті құжаттарынсыз блок-бекетінен өткізбей шектеу қойғанына қарсы шығып, оның бетінен жұдырықпен ұрған. Күдікті кінәсін мойындап, ҚР ҚПК-нің 128-бабымен Тараз қаласының полиция басқармасына уақытша ұстау изоляторына қамауға алынған.
«Ұсталған ер адам бұрын бірнеше рет сотты болған. Қазіргі уақытта аталған дерекке қатысты Қазақстан Республикасы Қылмыстық кодексінің 379-бабы (төтенше жағдай жарияланған жерде билік өкілінің заңды талабына бағынбау) және 380-бабымен (билік өкіліне қарсы күш қолдану) сотқа дейінгі тергеу амалдары жүргізілуде», делінген Жамбыл облыстық полиция департаменті таратқан ақпаратта.
Жамбыл облысы