Еңбек және халықты әлеуметтік қорғау министрлігі төтенше жағдайлар кезеңінде табысынан айырылуына байланысты азаматтардың Мемлекеттік әлеуметтік сақтандыру қорынан (бұдан әрі – МӘСҚ) төлем алуға өтініш беру рәсімін жеңілдету үшін арнайы Telegram-ботты іске қосады. Бұл туралы Президент жанындағы Орталық коммуникациялар қызметінің брифингінде ведомство басшысы Біржан Нұрымбетов мәлімдеді. Қалаға кіру мен шығу тоқтатылады. Қоғамдық көліктер жүрмейді. Меншік түріне қарамастан барлық кәсіпорын-мекемелер өз жұмысын тоқтатады. Тек мемлекеттік органдар, әкімдіктер, ауруханалар, ішкі істер органдары және коммуналдық қызмет қана жұмыс істейді. Азық-түлік дүкендері мен дәріханалар таңертеңгі 10.00-ден кешкі 18.00-ге дейін ғана жұмыс істейтін болады. Адамдар тек қана жұмыс пен дүкенге шыға алады. Басқа уақыттың бәрінде көшеге шықса полиция оларға 26 мың теңге көлемінде айыппұл салады. 65 жастан асқан адамдар үйден мүлде шықпауы керек. Оларға зейнетақыны «Қазпошта» қызметкерлері жеткізіп береді.
Бұл туралы облыс әкімі Құмар Ақсақалов мәлімдеді. Брифинг барысында өңір басшысы ауыл шаруашылығы өнімін өндірушілерге Үкімет 5 пайыздық жеңілдетілген несие беретінін, оған Мемлекет басшысының шешімімен мемлекеттік қордан 70 млрд теңге бағытталғанын жеткізді. Облыста оны алуға 300 диқан тілек білдіріпті. Ал шағын және орта бизнес өкілдері алты айға дейін салықтан босатылады.
Қазір облыста коронавирус жұқтырған 7 адам тіркелген. Олардың бәрі жұқпалы инфекциялық аурулар стационарына орналастырылған. Науқастармен байланысқа түскен, араласқан адамдар толық анықталған. Соңғы күндері қалада індетке ұшыраған үш адам анықталды. Оның екеуі Жұмыспен қамту орталығында істейтін әріптестерінен, тағы бір әйел өзі еңбек ететін карантиндік стационарда жұқтырған. Тайынша қаласынан анықталған, лаборант болып еңбек ететін әйел өздерінде санитар болып істеген адамнан жұқтырған. Қазір Тайынша қаласы мен Келлеровка ауылы да 14 күнге карантинге жабылды.
Бүгінде Петропавлда инфекцияның бес ошағы бар. Бұл – көпқабатты үйлер. Әкім өзінің мәлімдемесінде олардың тұрғындарына шыдамдылық танытып, қиындықты сабырмен жеңуге, үйден шықпауға шақырды. Індет жұқтырған бір әйел №1 қалалық емханаға барған екен. Облыс әкімі мүмкіндігінше халықты емханаға бармауға шақырды. «Егер өздеріңнің бойларыңыздан індеттің симптомдарын сезсеңіздер, ешқайда бармай, 1406 немесе 103 нөмірлеріне хабарласыңыздар. Ешқайда шықпаңыздар. Сонда ғана біз індеттің таралмауын қамтамасыз ете аламыз», деді ол.
Солтүстік Қазақстан облысы
