«Мемлекеттік бюджет кірістері есебінің жоспары 89,9%-ға, оның ішінде республикалық кірістер 78,8 %-ға, жергілікті бюджеттер 121,4 %-ға орындалды. Өткен жылдың ұқсас кезеңімен салыстырғанда мемлекеттік бюджет кірістерінің өсу қарқыны 101,2 %-ды, жергілікті бюджет 103,1%-ды құрады», деді Әлихан Смайылов.
Оның айтуынша, коронавирус эпидемиясының таралуы импортқа салынатын қосымша құн салығының көлеміне теріс әсерін тигізуде.
«Үшінші елдерден әкелінетін импорт көлемінің қысқаруына байланысты 11,4 мың салық төлеушілерден салық түсімдерінің көлемі 49,1 млрд теңгеге азайды. Бұдан басқа есепті кезеңде Қытайдан келетін автокөлік құралдарының саны 29%-ға азайды. Сыртқы нарықта негізгі экспорттық позициялар бойынша бағалардың төмендеуі байқалады. Атап айтар болсақ, шикі мұнайдың 22 %-ға, мырыштың 21 %-ға, мыстың 9%-ға, алюминий 10 %-ға, қорғасынның 10 %-ға төмендеуі корпоративтік табыс салығының азаюына әсерін тигізді», деді ол.
