Коронавирус • 31 Мамыр, 2020

Шымкентте 22 адамнан Covid-19 анықталды

43 рет көрсетілді

ПТР диагностикалық зерттеу нәтижелері бойынша Шымкент қаласының 22 тұрғынына COVID-19 диагнозы қойылды. Олардың 14-і вирусты жұқтырғандармен жақын қарым-қатынаста болған, 2-і пневмония диагнозымен стационарға жатқызылған, 2-і ақылы түрде қаралған, 1-і стационарға жоспарлы түрде жатқызу алдында тексерілген, 3-і скрининг нәтижесінде анықталған. Барлығы тиісінше жұқпалы аурулар стационарына жатқызылды. 

Қазіргі таңда науқастардың жағдайы қанағаттанарлық. Бекітілген хаттамаға сәйкес емделіп жатыр. Профилактикалық іс-шараларды жүргізу үшін науқастармен қарым-қатынаста болған адамдар анықталуда.

Ауру ошақтарында зарарсыздандыру жұмыстары жүргізіліп жатыр. 30.05.2020 ж. жағдай бойынша қалада COVID-19 коронавирус инфекциясын жұқтырған жалпы 835 адам тіркелген, олардың ішінде 263-і жазылып шыққан.

Соңғы жаңалықтар

Ұқсас жаңалықтар