Үкімет • 12 Маусым, 2020

Асқар Мамин Жамбыл облысында зауыт құрылысын бастап берді

508 рет көрсетілді

Қазақстан Республикасының Премьер-Министрі Асқар Мамин жұмыс сапарымен Жамбыл облысында  болды. Үкімет басшысы Қордай ауданының Гвардейский қала үлгісіндегі кентінде еліміздің Білім және ғылым министрлігі Ғылым комитетінің Биологиялық қауіпсіздік мәселелері ғылыми-зерттеу институтының жанындағы вакцина шығаратын биофармацевтикалық зауыттың құрылысын бастап берді, - деп хабарлайды Egemen.kz

Аталған зауыт тиісті өндірістік тәжірибенің халықаралық стандарты бойынша иммунобиологиялық дәрі-дәрмектер, оның ішінде коронавирус инфекциясына қарсы вакцина шығаратын болады. Қазіргі таңда Қазақстан Ғылыми-зерттеу институтының коронавирус індетіне қарсы кандидаттық вакцинасы Дүниежүзілік Денсаулық Сақтау Ұйымының тізіміне енгізілген және клиникаға дейінгі сынақтан сәтті өтуде. Сондай-ақ, Асқар Мамин іске қосқан кәсіпорында пандемиялық тұмауға, туберкулезге, бруцеллезге, нодулярлық дерматитке, ұсақ күйіс қайыратын жануарлар обасына, қой мен ешкінің контагиозды эктимасына, қой шешегіне, құтырмаға және басқа да жұқпалы ауруларға қарсы вакциналар шығарылады. Құрылыс жұмыстарын ағымдағы жылғы желтоқсан айында аяқтау және жыл сайын биофармацевтикалық препараттардың 60 миллион дозасына дейін өндіру көзделген.

Қазақстан Республикасы Білім және ғылым министрлігі Ғылым комитетінің Биологиялық қауіпсіздік мәселелері жөніндегі Ғылыми-зерттеу институты 1958 жылы КСРО-ның 6 ірі вирусологиялық институтының бірі ретінде құрылды. Штат 214 ғылыми қызметкер мен жетекші вирусолог-ғалымдардан құралған. Қауіпті инфекциялармен жұмыс істеуге арналған 13 зертхананы қамтиды. Аталған Ғылыми-зерттеу институты ауыл шаруашылығына және денсаулық сақтау жүйесіне арналған вакциналар әзірлейді және иммундық-биологиялық препараттар шығарады. Сондай-ақ, биологиялық қауіпсіздік саласында зерттеулер жүргізіп, қауіпті және аса қауіпті ауруларды диагностикалау бойынша тест жүйелерін әзірлейді. Вирустар мен микроорганизмдердің қауіпті және аса қауіпті штаммдарының депозитарийі саналады.

Қазіргі уақытта Ғылыми-зерттеу институты 5 зертхана базасында отандық вакциналардың 67 түрін өндірген. Оның ішінде, денсаулық сақтау саласы үшін жоғары патогенді құс тұмауына және жоғары патогенді шошқа тұмауына, сондай-ақ, ауыл шаруашылығы саласы үшін құс тұмауына және бруцеллезге қарсы жаңа векторлық вакцина бар. Ағымдағы жылы аусыл ауруына қарсы вакцина және 4 коронавирус инфекциясына қарсы вакцина әзірленуде. Сонымен қатар, аталған институт шетелге вакциналар жеткізуші ретінде Кеден одағының тізіміне енгізілген. Ислам Ынтымақтастығы Ұйымына мүше мемлекеттердің вакциналарды өндірушілер тобына кіреді.

 

Жамбыл облысы

Соңғы жаңалықтар

ZOOM акциялары қымбаттады

Технология • Бүгін, 18:02

Апеннин түбегіне аттанды

Спорт • Бүгін, 16:38

Ұқсас жаңалықтар