Қазақстан • 22 Маусым, 2020

Температурасы бар түлектер тестке жіберілмейді

20 рет көрсетілді

Елдің барлық аймақтарындағы ҰБТ өткізу орындарында күшейтілген медициналық-санитарлық шаралар қатаң ұстану арқылы өткізілуде. Осылайша, күні кеше жоғары температурамен анықталған 2 тестіленуші ҰБТ-ға жіберілмеді. Оларға басқа күндері немесе бөлек аудиторияда жалғыз тапсыру ұйымдастырылатын болады. Бұл туралы БҒМ Ұлттық тестілеу орталығы директорының орынбасары Наужан Дидарбекова айтты, - деп жазады Egemen.kz

"Карантинді сақтауға байланысты елімізде адамдардың жаппай жиналуына тыйым салынғанын атап өткім келеді. Бұл ережелерді елемеу-біздің түлектеріміз үшін қосымша тәуекелдер екенін түсіну керек, сондықтан мен алдын-ала барлық ата-аналардан кешірім сұрап, оларды түсіністік танытуына шақырамын: өйткені оларға ҰБТ өткізу пунктінде болуға рұқсат етілмейді", деді Н. Дидарбекова.

Ғимарат аумағын құқық қорғау органдарының қызметкерлері қоршайды. 

"Бүгінгі күннің статистикалық мәліметтеріне тоқталатын болсам, 10 007 (қалада – 2676, ауылды елді-мекендерде – 7331) тестіленуші қазіргі уақытта Ұлттық бірыңғай тестілеуден өтуде. 8067 – қазақ тілінде, 1940 – орыс тілінде. Барлығы 77 (қалада-9, ауылды елді-мекендерде – 68) ҰБТ өткізу пункттерінде іс-шара өткізіліп жатыр", деді ол.

Соңғы жаңалықтар

Доллар арзандады

Экономика • Бүгін, 15:50

Вакцина салдырғандар саны артты

Коронавирус • Бүгін, 09:17

1227 қазақстандық індеттен сауықты

Коронавирус • Бүгін, 09:08

Ұқсас жаңалықтар