Аймақтар • 23 Маусым, 2020

Алматыда індетпен күресуге 13 медициналық ұйым жұмылдырылды

59 рет көрсетілді

Бүгін Алматы қаласы Қоғамдық денсаулық басқармасының басшысы Камалжан Надыров онлайн брифингте қаладағы эпидемиологиялық жағдай туралы жан-жақты баяндай келе, мегаполисте коронавируспен күресу үшін барлығы 13 медициналық ұйым жұмылдырылғаны атады, - деп жазады Egemen.kz

Бұлар – 9 инфекциялық стационар, жалпы төсек-орын қуаттылығы 1940 төсек-орын (№1 Қалалық клиникалық аурухана, Қалалық клиникалық жұқпалы аурулар ауруханасы, Балалар қалалық клиникалық жұқпалы аурулар ауруханасы, Орталық қалалық клиникалық аурухана, ҚР ДСМ Фтизиопульмонология ұлттық ғылыми орталығы, Модульдік госпиталь, 1 КБМО (Фтизиопульмонология орталығы, ҰҚК госпиталі, Қорғаныс министрлігінің госпиталі), №1 Қалалық клиникалық аурухана және ІІМ госпиталі базасындағы 2 провизорлық орталық, жалпы төсек-орын қуаты 609 және 429 төсек-орынға есептелген екі карантиндік ұйым.

Таңғы сағат 08.00-дегі жағдай бойынша жұқпалы аурулар стационарларындағы бос төсек-орындар саны – 136 төсек-орын.

"Сол сияқты амбулаториялық деңгейде ауқымды жұмыс жүргізілуде. Мұнда біз виртуалды жұқпалы аурулар ауруханасын ашып, расталған жағдайларда да, коронавирустың ықтимал жағдайлары бар пациенттердің денсаулық жағдайына мониторинг жүргізудеміз.Тәжірибе көрсеткендей, бұл жерде ең қиыны, бұл ағымның симптомсыз немесе жеңіл түрі бар халықты үйде болуға сендіру. Әйткенмен де, стационарларлың төсек-орындары толып қалғандығына байланысты, барша халыққа ең алдымен үрейге бой алдырмауды, болмашы дене қызуының болуы емдеуге жатқызу үшін аурудың себебі емес екенін айтқым келеді", деді Камалжан Надыров.

Қазіргі уақытта қалада амбулаториялық деңгейде мониторингте 2986 адам бар, оның ішінде симптомсыз түрімен 2365 адам ауыруда, бұл 79%-ды құрайды, 621 адамның симптомдары бар, бұл 21%-ды құрайды. Амбулаториялық деңгейде симптомдары бар ауырлықтың жеңіл дәрежесінде 555 адам – 89%, ауырлықтың орташа дәрежесінде 66 адам немесе бақылау жүргізілген адамдардың жалпы санының 11%-ын құрады. Созылмалы аурулары бар, тәуекел тобындағы 60 жастан асқан адамдарға ерекше көңіл бөлінуде, қазіргі уақытта олардың саны – 94 адам.

Алматы қаласы Қоғамдық денсаулық басқармасының басшысының айтуынша, әрбір емханада бекітілген регламентке сәйкес пациенттерді мониторингілеумен айналысатын мобильдік бригадалар құрылған. Бүгінгі күні олардың саны – 72. Мобильдік топтың құрамына–бөлімше меңгерушілері, инфекционист дәрігерлер, эпидемиологтар, учаскелік дәрігерлер мен мейірбикелер кіреді. Барлығы 287 МСАК қызметкері жұмылдырылған. Жұмыс сапасын арттыру мақсатында осы бригадалардың санын арттыру бойынша жұмыстар жүргізілуде.

 

 

АЛМАТЫ

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар