Қазақстан • 23 Маусым, 2020

Трамп Қазақстанмен серіктестікті нығайтуға ниетті екенін мәлімдеді

221 рет көрсетілді

АҚШ Президенті Дональд Трамп Мемлекет басшысы Қасым-Жомарт Тоқаевқа жолдаған жеделхатында мемлекетті саяси жаңғырту бастамасындағы ынтымақтастыққа дайын екендігін мәлімдеді. Бұл туралы Мемлекет басшысының баспасөз қызметіне сілтеме жасай отырып Egemen.kz хабарлайды.

Баспасөз қызметінің хабарлауынша, Ақ үй басшысы Президент Қ.Тоқаевты ел президенті болып сайланған бір жылдық мерейтойымен құттықтады. Америкалық көшбасшы Мемлекет басшысының бастамасы бойынша жүргізіліп жатқан реформалар туралы және екіжақты стратегиялық серіктестікті одан әрі нығайтуға ниетті екенін мәлімдеді.

"Сіздің саяси жаңаруға бағытталған салиқалы реформаларыңыз мақтауға тұрарлық. АҚШ халқы да Сіздің мемлекет сенімін арттыру жолындағы өркендеуге деген нақты қадамдарыңызды және серпінді қоғамның негізі болып табылатын мақсаттарыңызды қолдайды. Кеңейтілген стратегиялық серіктестіктің бір бөлігі ретінде Сіздермен осы бастамалар бойынша ынтымақтасуға дайынбыз", дейді Трамп өзінің жеделхатында.

Америка Құрама Штаттарының Президенті Америка халқы атынан Президент Қ.Тоқаевқа алдағы кезеңде Қазақстанда бейбітшілікті нығайтуға, өркендеу мен қауіпсіздікті қамтамасыз етуге бағытталған іс-шараларға сәттілік тіледі.

"Сондай-ақ сіздердің COVID-19 таралып кетуін болдырмау жөніндегі батыл іс-әрекеттеріңізді атап өткім келеді. Біз пандемиядан және одан кейінгі кезеңде экономиканы қалпына келтіруге бағытталған бірлескен күш-жігерімізді жалғастырамыз", делінген жеделхатта.

Сонымен қатар АҚШ Президенті Қазақстан басшысына мықты денсаулық, жұмысына толағай табыс тіледі.

Соңғы жаңалықтар

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Елбасы және Қазақстан армиясы

Елбасы • 07 Мамыр, 2021

Бублик Карцевті қапы қалдырды

Теннис • 07 Мамыр, 2021

Мереке күндер жаңбырлы болады

Ауа райы • 07 Мамыр, 2021

Футбол: «Челси» финалға шықты

Футбол • 07 Мамыр, 2021

Ұқсас жаңалықтар