Ереуіл Лейпциг, Бад-Херсфельде, Райнберг, Верне және Кобленцтегі объектілерде өтеді. Жексенбі күні кәсіподақ Amazon қызметкерлерін дүйсенбі және сейсенбі күні пандемия кезінде қызметкерлердің қауіпсіздігі мен денсаулығын қорғауға кепілдік беретін "жақсы және салауатты жұмыс" тарифтік шартын жасу үшін ереуіл өткізуге шақырды.
"Біз енді талабымызды қатаңдатамыз, өйткені Amazon түсіністік танытпады және концернді байыту мақсатында қызметкерлердің денсаулығына қауіп төндіреді", - деп мәлімдеді кәсіподақ өкілі. Ол Бад-Херсфельдтегі Amazon объектісінде коронавирустың соңғы деректерін атап өтті. "Біздің ақпаратымыз бойынша, онда кем дегенде 30-40 әріптес жұқтырды", - деді ол. Бұдан басқа, кәсіподақ еңбекақы төлеуді арттыруды талап етеді.
Ереуілге қанша адам қатысатыны әзірге белгісіз. Логистикалық орталықта 400-450 адам жұмысын тоқтатты. Кәсіподақ болжамынша, Лейпцигте ереуілге қызметкерлердің тағы осындай саны қосылады.
