Парламент Мәжілісінің депутаты Үсенгелді Медеуов 8-10 қазанда Әзербайжанда болып, ТүркПА миссиясының құрамында осы елде өткен президент сайлауын бақылауға қатысты. ТүркПА бақылаушылар делегациясына Түркия Жалпыұлттық мәжілісінің депутаты Халюк Ипек жетекшілік етті.
Парламент Мәжілісінің депутаты Үсенгелді Медеуов 8-10 қазанда Әзербайжанда болып, ТүркПА миссиясының құрамында осы елде өткен президент сайлауын бақылауға қатысты. ТүркПА бақылаушылар делегациясына Түркия Жалпыұлттық мәжілісінің депутаты Халюк Ипек жетекшілік етті.
Сапар барысында ТүркПА делегациясы Әзербайжан Милли Мәжілісінің төрағасы Октай Асадов, Сыртқы істер министрі Е.Мамедяров және Орталық сайлау комиссиясының төрағасы М.Панаховпен кездесулер өткізді. Сұхбат барысында депутат Ү.Медеуов Қазақстан мен Әзербайжан арасындағы қарым-қатынастардың ауқымды дамып келе жатқанын атап өтіп, осы үрдістің заңнамалық негізін кеңейте түсу үшін екі ел парламентарийлерінің өзара әрекеттестігін одан әрі арттыру қажеттігін айтты. Сондай-ақ, қазақстандық депутат ТүркПА-ға мүше елдердегі сайлауларды өзара бақылау осы мемлекеттердегі сайлау процесінің жетілуіне септігін тигізетінін тілге тиек етті.
9 қазанда ТүркПА бақылаушылар миссиясының мүшелері Бакуде орналасқан бірқатар сайлау учаскелерінде болып, учаскелік комиссия мүшелерімен, президенттікке үміткерлердің өкілдерімен және сайлаушылармен жүздесті.
10 қазан күні ТүркПА бақылаушылар миссиясы өз бақылауының қорытындысы бойынша баспасөз мәслихатын өткізді.
«Егемен-ақпарат».
