Осыдан он ай бұрын Парламент Мәжілісінің Әлеуметтік-мәдени даму комитетінің төрайымы Дариға Назарбаева іссапармен Қостанайға келгенде осындағы Меценаттар клубының жұмысына сүйсінгендігін жасырмаған еді. Соңғы жылдары кәсіпкерлерден тұратын бұл қоғамдық ұйым ауру балаларын шетелге емдету үшін тығырықтан шыға алмай отырған ата-аналарға және коммуналдық қызмет ақысын төлей алмай қарызға батқан ғаріп жандарға да көмек қолын созды. Дариға Нұрсұлтанқызы жыл басында келгенде Қостанай облыстық Меценаттар клубына мүшелікке кіретіндігін, бірге жұмыс істейтіндігін мәлімдеген.
Осыдан он ай бұрын Парламент Мәжілісінің Әлеуметтік-мәдени даму комитетінің төрайымы Дариға Назарбаева іссапармен Қостанайға келгенде осындағы Меценаттар клубының жұмысына сүйсінгендігін жасырмаған еді. Соңғы жылдары кәсіпкерлерден тұратын бұл қоғамдық ұйым ауру балаларын шетелге емдету үшін тығырықтан шыға алмай отырған ата-аналарға және коммуналдық қызмет ақысын төлей алмай қарызға батқан ғаріп жандарға да көмек қолын созды. Дариға Нұрсұлтанқызы жыл басында келгенде Қостанай облыстық Меценаттар клубына мүшелікке кіретіндігін, бірге жұмыс істейтіндігін мәлімдеген. Депутат сөзінде тұрды. Осы уакыт ішінде облыс Меценаттар клубымен байланысын үзбей, олардың бастамасы және көмегімен жылжымалы медициналық амбулаториялық кешенді Жітіқара аудандық ауруханасына сыйлады. Бұл облыс меценаттарына 53 миллион теңгеге түсті. Ал ол алыс елді мекен тұрғындарының денсаулығын тексеру, озық деңгейде профилактикалық жұмыстар жүргізу үшін өте қажет. Жылжымалы амбулаторияның ішінде рентген, ЭКГ, УЗИ және гастрофибраскоп сияқты ауру диагнозын дәл анықтауға мүмкіндік жасайтын заманауи жабдықтардың барлығы да бар.
Облыс әкімі Нұралы Сәдуақасов медициналық кешеннің алынуына мұрындық болған Дариға Назарбаеваға және қолдау көрсеткен облыс кәсіпкерлеріне рахмет айтты.
– Тек жітіқаралықтар ғана емес, оған іргелес, бірақ облыс орталығынан тым шалғайда орналасқан Қамысты, Денисов аудандарының да тұрғындары бұл заманауи жылжымалы амбулаторияның пайдасын көретін болады. Жітіқара ауданында 60 мыңдай, Қамысты, Денисов аудандарында осы қаралас адам тұратынын ескерсек, бұл кешен маңыздылығының қандай екенін біле беріңіз, – деді облыс әкімі.
– Денсаулық сақтау саласында қандай қайырымдылық жұмыс жасаса да артық емес. Біз үшін басты байлық – адамдар, – деді Дариға Назарбаева. Дариға Назарбаеваның әлеуметтік маңызды сапары мұнымен шектелген жоқ. Ол жетекшілік ететін «Дегдар» қайырымдылық қорының ұйымдастыруымен «Жүрек сазы» музыка фестивалі де қостанайлықтарға тарту етілді. Оның аясында әнсүйер қауым Дариға Назарбаеваның концертін тамашалады.
Нәзира ЖӘРІМБЕТОВА,
«Егемен Қазақстан».
ҚОСТАНАЙ.
