Білім • 03 Тамыз, 2020

Елордалық үш оқушы халықаралық олимпиадада күміс жүлдені олжалады

19 рет көрсетілді

Американың математика қауымдастығы (MAA) мен AOPS халықаралық платформасы өткізген Cyberspace Mathematical Competition олимпиадасында қазақстандық оқушылар ел намысын абыроймен қорғады. Бұл туралы Нұр-Сұлтан әкімдігінің баспасөз қызметіне сілтеме жасай отырып Egemen.kz хабарлайды.

Қазылар алқасына америкалық математик, көптеген кітаптар мен жарияланымдардың авторы, MIT профессоры Yufei Zhao төрағалық етті. Қазақстан құрамасы бір алтын, үш күміс, екі қола иеленіп, командалық есепте 20-орын алды.

Айбек Мырзатай алтын, Қасым Мұханбетияр, Данат Дүйсенбеков, Марлен Раушановтар күміс, Дильназ Уалиева мен Нұртас Шынтас қола жүлдемен жеңімпаздар қатарынан көрінді. Сондай-ақ Батырхан Сәкенов мадақтама қағазын иеленді.

"Онлайн режімде өткен олимпиадаға 80 ел қатысты. Біздің арнайы платформаға жүктеген тапсырмаларымыздың шешімін әртүрлі елдердің мұғалімдері тексерді. Ұйымдастырушылар мұны қыркүйек айында онлайн өтетін Халықаралық математика олимпиадасы қарсаңында «қызықты жаттығу» деп атады. Олимпиада тапсырмаларын үйде отырып орындаған аудиторияда отырып есеп шығарғаннан өзгеше екен. Осы нәрсе есімде қалды. Кейде бұл Олимпиада екенін ұмытып, біршама жеңіл қарай бастайсың", деді күміс медаль иегері, Нұр-Сұлтан білім-инновация лицейінің түлегі Данат Дүйсенбеков.

Ресей, АҚШ және Оңтүстік Корея үздік үштіктің қатарынан көрінді. Украина – 15, Әзірбайжан – 25, Армения – 45, Тәжікстан – 50, Өзбекстан – 54 орынға тұрақтады. Біздің оқушыларымыздың жеңісі – мұғалімдер мен ата-аналардың, мектептердің жеңісі. Атап айтсақ, біздің жеңімпаздар оқыған мектептер: Атырау "Білім-Инновация" лицейі, Haileybury Almaty, Нұр-Сұлтан "Білім-Инновация" лицейі, Нұр-Сұлтан Зерде мектебі және Алматы РФММ.

Соңғы жаңалықтар

Алты ақынның алғысы

Руханият • Бүгін, 07:40

Тіл тұтастығы – ел тұтастығы

Руханият • Бүгін, 07:37

Алтын астықты ауылдар

Аймақтар • Бүгін, 07:29

Қарттарға қамқорлық қажет

Аймақтар • Бүгін, 07:19

Балшық сорғыш кемені суға түсірді

Технология • Бүгін, 07:15

Батыл барлаушы

Руханият • Бүгін, 07:01

Ата ерлігі – ұрпағына үлгі

Тарих • Бүгін, 07:00

Жылы жақтағы жалғызым

Әдебиет • Бүгін, 06:52

Экологиялық карта әзірленді

Экология • Бүгін, 06:48

Асарлатып үй салып берді

Қоғам • Бүгін, 06:46

Сөз бен істің бірлігі

Қоғам • Бүгін, 06:29

Рубль бағамы құлдырады

Экономика • Кеше

Ұқсас жаңалықтар