Қоғам • 06 Тамыз, 2020

Күріш алқабы сусыз қалмауы тиіс

13 рет көрсетілді

Қызылорда облысына қарасты Жаңақорған мен Шиелі аудандары тұрғындарының айтуы бойынша Сырдария өзенінің суы төмендеуде, осыған байланысты олар әкімдікке жүгінген.

Ауданда құны 1 млрд теңге тұратын су платинасы салынған. Бірақ үш жылдан кейін іске жарамсыз болып қал­ған. Қазіргі таңда платина жұ­мыс істеп тұрған жоқ. Осы орай­да Сенат депутаты Мұрат Бақ­тиярұлы құқық қорғау орган­дарының осы мәселеге назар аударуын сұрады.

Сенатор Экология, геология жә­не табиғи ресурстар министрі М.Мырзағалиевпен және оның орынбасарларымен сөйлесті. Сенатор қалыптасқан жағдай ту­ралы айтып, осы мәселені жа­қын арада шешуді сұрады, онсыз шаруалар орасан шығынға бататынын жеткізді. Тиісті ми­нис­­тр­лік Сырдария өзеніндегі су дең­гейінің төмендеуін болдыр­мау жолдарын қарастыруға уәде берді.

Мамандардың айтуы бойынша, биыл шамамен 90 мың гектар алқапқа күріш егілген. Мұндай аумақты 3 ай суару кезеңінде су­мен қамтамасыз ету қиын. Се­на­тор өз кезегінде су ресурстарын үнемдеуге мүмкіндік беретін заманауи технологияларды пайдалануды ұсынды.

Мұрат Бақтиярұлы егін егу­ші­лерге күріштен бөлек суды көп қажет етпейтін жоңышқа, рапс, жүгері және бау-бақша өнімдерін өсіруді ұсынды.

Осы ретте сенатор кіші Арал­ды толтыру мәселесіне де назар аударды.

Мұрат Бақтиярұлы өңір аграр­шылармен кездесуде: «Бізге кіші Аралды толтыру үшін де су қажет. Судың теңізге жетпей жатқа­нын ескерсек, кіші Аралдың су дең­гейі төмендеуі мүмкін. Қазір­дің өзінде Қамбаш көлі жаға­лаудан 150 метрге шегініп кетті. Қызылорда Сырдарияға өте тә­уелді, сондықтан көп суды қажет етпейтін дақылдарды өсіру ма­ңызды. Бұл бағытта диқандар үшін арнайы бағдарлама әзір­леген жөн», деді.

Егін алқаптарынан бөлек Се­нат депутаты аудандық ауру­ха­наға барып, жергілікті жұртпен тілдесті.

 

Соңғы жаңалықтар

Білім – басты құндылық

Аймақтар • Кеше

Алыстан жеткен алғыс

Аймақтар • 19 Қыркүйек, 2020

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Ұқсас жаңалықтар