Дәрігерлердің айтуынша, кавасаки - инфекциялық аурулардың салдарынан жүрек қан тамырларының қабынуы. Яғни, негізді қоздырғышы вирустық және бактериялық аурулар.
Синдром белгілері инфекциялық аурумен науқастанғанда немесе, арада 3-4 ай өткенде байқалады. Мамандар аурудың бұл түріне коронавирустің ықпалы бар екенін айтып отыр. Әсіресе, балалар арасында жиі кездесуі мүмкін. Десе де, ауру адамнан адамға жұқпайды.
Асқынған жағдайда ең үлкен аорта тамыры жарылып, жүрек ұстамасына әкелуі ғажап емес. Ауруды бірден анықтау мүмкін емес. Ол үшін экг, ультрадыбыстық зерттеу жасап, қан сынамаларын тапсыру керек.
Ауру басталған кезде науқастың дене қызуынан бөлек, қаны қоюланады. Кей адамдарда қалтырау, іш өту, құсу, жөтел пайда болуы мүмкін. Инфекционитстер әсіресе коронавируспен науқастанғандар міндетті тұрде кардиологтың кеңесін алған жөн деп санайды.
