Атап айтар болсақ, Президент Үкіметке маңызды өндіріс пен экспорттың басым бағыттарын анықтауды тапсырды. Оларды қолдау шараларын да кеңейту керегін ескертті. Сонымен бірге осы мақсатта гранттар мен қаржылық қолдау, экспортты көлемін арттыру механизмдерін қарастыру тапсырылды.
"Инвесторлардың қаржысын салықтан босату арқылы қайтаруға болады. Мемлекеттік және квазимемлекеттік секторлар тарапынан сатып алуларды қамтамасыз ету қажет. Ең маңыздысы, жобаны іске асыру кезінде заңның тұрақтылығын қамтамасыз ету керек.
Мемлекет пен инвесторлар арасындағы келісімді бекіту мақсатында жаңа құрал – Стратегиялық инвестициялық келісім қолға алынады. Аталған бастаманы «Экономикалық өсімді қалпына келтіру» заң жобасының негізінде жыл соңына дейін іске асыру қажет", деді Қ.Тоқаев Жолдауда.
