Технология • 04 Қыркүйек, 2020

Баспана сатуға да электронды жүйе келді

27 рет көрсетілді

Елімізде жаңа технологияларды енгізу процесі адам қызметінің барлық салаларын қамтиды десек болады. Айту керек, бұл процесс тұрғын үйді сатып алуға да әсер етті.

Жаңадан пәтер немесе үй ал­ғыңыз келсе, көптеген фак­торға дайын болуыңыз керек. Себебі бұл шаруа әсте жеңіл болмайды. Мысалы, үйді са­тып алуға қажетті сомадан немесе ипотека бойынша алғаш­қы жарна төлеуден  басқа, сізге келісімшартты реттеу мен қа­жетті құжаттарды жинау керек. Ал бұл жерде алдану, қажетті қағаздарды уақытында жинап үлгермеу, ипотекаға беруден бас тарту сынды қауіптер кездеседі.

Қаржылық реттеушінің ха­­бар­лауынша, 27 тамызда Қа­зақ­станда жаңа форматта тұр­­ғын үйді сатып алу, сату бо­йын­ша алғашқы мәміле жасал­ды. Яғни ендігі кезекте бұл мәселеде жаңа үрдіс пайда болып, мәміле жасаудың жаңа жүйесі мен бүкіл процесі элек­трондық жүйеге көшпек. Мәмі­леге қатысушылардың барлы­ғының өзара іс-әрекеті бірыңғай жүйемен жүзеге асатын болады.

Басты идея – тұрғын үй сатып алу сияқты ірі ақша операцияларын жасау кезінде қауіпсіздік пен қолайлылықты қамтамасыз ету. Яғни қолма-қол ақшасыз төлемге көшу іс­ке асу­да. Банкті, но­тариусты жә­не халыққа қыз­мет көрсету орта­лығын бірік­тіре­тін бірыңғай цифрлық қыз­мет құрылды.

Бұл өз кезегінде мәміле жа­сау­дың уақытын қысқартады. Сондай-ақ сатып алушы мен сату­шы алаяқтық әрекеттерден және қолма-қол ақшаны тонау қаупінен сақталатын болады.

Мәміле қалай жасалады? Қолма-қол ақшасыз төлем үшін сатып алушы банкте эскроу-шот ашады немесе нотариустың депозитін пайдаланады. Эс­кроу шотына салынған ақша бұғат­талады және белгілі бір шарттар орындалғанға дейін қолжетімсіз болады. Бұл жағдай үй сатып алу туралы мәміле жа­салғанға дейін күшінде болып, содан кейін сатушыға аударылады). Нотариус немесе банк бұл жағдайда төлемнің гаранты (кепілгері) ретінде әрекет етеді. Үйді сатушы операцияны аяқ­тағаннан кейін және тиісті органмен расталғаннан кейін ақшаға қол жеткізе алады. Бұл жүйеге ерікті түрде қатысуға бо­лады. Дегенмен, сатып алушы мен сатушы мәмілелерді бұрын­ғысыша әлі де жасай алады.

Ұлттық банктің пікірінше, мұн­дай жаңа әдіс процесті ай­тар­лықтай жеңілдетіп, оған қа­ты­сушылардың қауіпсіздігін жақ­сартатын болады.

 

Думан АРҒЫНГЕЛДІ,

журналист

Соңғы жаңалықтар

Қарасу ауданында 39 үйді су басты

Аймақтар • Бүгін, 17:12

Бүгін – экологиялық білім күні

Экология • Бүгін, 15:59

Түркістанға 3000 жыл

Руханият • Бүгін, 12:10

2002 адам коронавирустан емделіп шықты

Коронавирус • Бүгін, 09:32

Сарыала қаздың қаңқылы естілді

Руханият • Бүгін, 08:51

Қор нарығы қымбаттады

Әлем • Бүгін, 08:33

Ұқсас жаңалықтар