Білім • 11 Қыркүйек, 2020

Мұғалімге өтемақы беріле ме?

40 рет көрсетілді

Қызметтегі коронавирус жұқтырған мұғалімге өтемақы төлене ме? Бұл сұраққа Білім және ғылым министрлігі Президент жанындағы Орталық коммуникациялар қызметінде өткен «Қашықтықтан оқытудың ағымдағы жағдайы» атты брифингте жауап берді.

Білім және ғылым вице-ми­нистрі Шолпан Таңатқызы:

«Елімізде ата-аналардың қа­лауы бойынша мектепте дәс­түрлі форматта оқып жатқан оқу­шылар бар. Сәйкесінше осындай оқушыларға білім беру үшін мұғалімдер мектепке қатынап, штаттық режімде жұмыс істеп жүр. Осы ретте министрлікке қызметін атқару кезінде коро­на­­вирус жұқтырып алған мұ­ға­лімдерге де дәрігерлерге төлен­геніндей өтемақы қарастыру ту­ралы өтініштер мен сұрақ­тар көптеп түсті. Бүгінде мұғалім­дермен бірдей басқа да қоғамдық қызмет өкілдері, кәсіпорын жұ­мысшылары, сатушылар, журналистер, кәсіпкерлер мен еріктілер жұмыс істеп жатыр. Сондықтан мұғалімдерді қазір қоғамда еңбек етіп жүрген басқа мамандық иеле­рінен бөліп қарауға болмайды», деді.

Аталған брифингте қашықтан оқытудың қазіргі жағдайында көп­балалы отбасындағы балалардың жайы да ескерілгені айтылды.

«Білім беру процесі синхрон­ды (тікелей эфирде, онлайн ре­жімде сабақ өту) және асинхрон­ды (үздіксіз байланыста бі­лім беру) оқыту форматында ұйым­дастырылуда. Соның ішінде асинхронды түрі көбірек қолданып отыр. Бұл дегеніміз – мұғалімнің оқушымен қашықтан тұрақты түрде үздіксіз байланыс орнатып, тақырыптық тапсырмалар беру, кері байланыс орнату ар­қылы білім беруі. Сондықтан от­ба­сындағы 3 оқушының бір уақытта компьютер пайдалануына қажеттілік тумайды. Кейбір тапсырмаларды телефонмен орын­дап, мұғаліміне жауабын жі­беруге болады. Бұл жерде бір үй­дегі балалардың сабақ оқуына жағ­дай жасауды ата-ана қолға алуы керек», деді Ш.Таңатқызы.

Соңғы кезде қашықтан оқы­туды ұйымдастыруға мемлекет­тен қаржы қарастырылғаны жө­нінде ақпараттар тарап кеткен еді. Баспасөз жиынында осы мәселеге қатысты да ресми жауап берілді.

Білім және ғылым минис­трі­нің қаржы саласына жауап­ты орынбасары Бибігүл Аман­гелдіқызы:

«Еліміздегі шағын жинақты мектептерден басқа оқу ошақ­тары қашықтан оқытуға көшкен көктемдегі 4 тоқсанда да, сон­дай-ақ қазір де жаңа форматты ұйымдастыруға мемлекеттен ешқандай қаржы бөлінген жоқ. Республикалық, жергілікті бюд­жеттен немесе қандай да бір үкіметтік ұйымның қара­жа­тынан қашықтан оқытуды ұйымдастыруға ақша қарасты­рыл­мады. Өткен тоқсанда да, жаңа оқу жылында да барлық жұ­мыстар тек мұғалімдер мен ата-аналардың еңбегімен іске асы­рылып келеді. Сонымен қа­тар 4 тоқсандағы және жаз ай­ла­рындағы әзірленген видео сабақ­тардың бәрі тегін түсірілді», деді.

 

Соңғы жаңалықтар

Доллар бағамы тұрақты

Экономика • Бүгін, 11:54

Іздеудегі 16 қылмыскер ұсталды

Аймақтар • Бүгін, 11:10

Бүкіләлемдік экологиялық акция

Экология • Бүгін, 07:56

Коронавирус қайта өршіді

Әлем • Бүгін, 07:42

Үрейге бой алдырмаған жөн

Аймақтар • Бүгін, 07:35

Ширек финалда жеңілді

Теннис • Бүгін, 07:30

Майданда шыңдалған достық

Ең қысқа әңгіме • Бүгін, 07:29

Әулиеағаш әлі ұзақ жасайды

Туризм • Бүгін, 07:12

Агротуризм адымдары

Туризм • Бүгін, 07:10

Түркиядағы Фарабилер

Таным • Бүгін, 07:03

Бір чемпионатта топ жарған ағайындылар

Кәсіпқой бокс • Бүгін, 07:00

Куәлікті поштадан күтеді

Қоғам • Бүгін, 06:56

Асыл түбі – иманнан

Руханият • Бүгін, 06:55

Туристік хаб таныстырылды

Елбасы • Бүгін, 06:55

Қысқа дайындық қызған шақ

Аймақтар • Бүгін, 06:54

Ұқсас жаңалықтар