Парламент • 28 Қыркүйек, 2020

Мәулен Әшімбаев: Бүгін - қазақ әдебиеті күні десек артық емес

44 рет көрсетілді

ҚР Сенат спикері Мәулен Әшімбаев қазақ әдебиетінің үш бірдей алыбы - Мұхтар Әуезовтің, Шерхан Мұртазаның және Оралхан Бөкейдің туған күніне орай фейсбуктегі парақшасында жазба қалдырды, деп хабарлайды Egemen.kz

"Бүгін қазақ әдебиеті күні десек, артық бола қоймас. Өйткені 28 қыркүйек – әдебиетіміздің үш бірдей алыбы Мұхтар Әуезовтің, Шерхан Мұртазаның және Оралхан Бөкейдің туған күндері. Қайталанбас туындыларымен ұлттың жоғын түгендеген және ұрпаққа өшпес өсиет қалдырған сөз зергерлерінің мұрасын дәріптеу – бізге міндет", деді Мәулен Әшімбаев. 
⁣⁣⠀
Осы ретте Сенат спикері қазақтың әр баласы Әуезовті, Шерхан Мұртазаны және "Алтайдың Кербұғысы" атанған Оралханды міндетті түрде оқу керек екенін атап өтті. 
 
"Сол арқылы біз Абайды танимыз және сөздің құдіретін зерделеуге, ұлттық болмысымыздың сән-салтанатына зер салуға мүмкіндік аламыз. Ең бастысы, өркениеттің шыңына жетелейтін кітап оқу деген қағиданың қадір-қасиетін түсінеміз.⁣⁣ Заңғар жазушыларымыздың жатқан жерлері жарық, топырақтары торқа болсын!", деді ол. 
Соңғы жаңалықтар

Заңсыз аң аулау тиылмай тұр

Аймақтар • Бүгін, 17:22

Бастама баяндылығымен құнды

Аймақтар • Бүгін, 13:56

Ұқсас жаңалықтар