Жүлде қоры 38 000 000 еуроны құрайтын айтулы жарыстың алғашқы айналымында әлемдік рейтингте 27 орында тұрған Юлия Путинцева WTA тізімінде 79 сатыға жайғасқан бельгиялық Кирстен Флипкенспен кездесті. 1 сағат 9 минутке созылған бұл бәсекеде жерлесіміздың үстемдігі еш күмән туғызған жоқ. Есеп – 6:1, 6:2. Енді 30 тамызда Юлия аргентиналық Надия Подороскамен (131 орын) шеберлік байқасады.
Бүгін Михаил Кукушкин (87 орын) италиялық Фабио Фоньинимен (15 орын), Александр Бублик (56 орын) франциялық Гаэль Монфиспен (9 орын) күш сынасады.
Ертең тағы қос аруымыз жарыс көрігін қыздырады. Зарина Диас (77 орын) тунистік Онс Жабермен (35 орын), ал Елена Рыбакина (18 орын) румыниялық Сорана Крыстямен (83 орын) кездеседі.
