Қыркүйек бойы NIS-тің әлеуметтік желілердегі барлық ресми парақшалары мен сайттарында басты кейіпкерлерге айналаған мұғалімдердің құрметіне орай әсерлі роликтер жарияланды.
Әрбір дана ұстаздың кеше дара шәкірт болғаны аян және олардың бірқатары ең ардақты және мәртебелі мамандыққа деген таңдауларын бала күндерінде жасап үлгерген. Өмірлік ұстанымдармен жазылған фотосуреттер NIS мұғалімдерінің мамандықтары мен таңдаулары үйлесім тапқандығын дәлелдейді.
"Әділетті, шынайы, ашық-жарқын болу, өз мамандығына шын жүрекпен берілу – осының барлығы нағыз ұстаздың даналығын құрайды", дейді Шымкент қаласындағы физика-математика бағытындағы мектептің модератор-мұғалімі Ақмарал Ермекбаева.
Ақтаудағы NIS-тің модератор-мұғалімі Лизаветта Хамитова, кәсіби жетістік қол жеткізген нәтижелерге тоқтамаудан басталатынына сенімді.
Қостанай қаласындағы Назарбаев Зияткерлік мектебінің информатика пәнінің модератор-мұғалімі Александр Шерцер, егер Сіз еңбекті сәтті таңдап, оған жаныңызды салсаңыз, бақыт Сізді өзі іздеп табатынына зор сеніммен қарайды.
Алтын ұя мектептерінің көрінісіндегі суреттер: сыныптағы, тақта алдындағы және ең бастысы шәкірттерімен шабыттанған кейіпкерлер – кез келген сөзден дәлелді.
Көптеген отбасында іздеу жұмыстары үлкен шараға ұласып, нәтижесінде табылған мұрағаттық фотосуреттер көпшілік қауымның зор қызығушылығын тудырды. Ұстаздар ата-аналарымен бірге ескі альбом беттерін парақтап, сүйікті оқиғаларын еске түсірді. Уақыт өте келе сарғайған, кей тұстары бүлінген ақ-қара суреттер, ұстаздарымызды бақытты балалық шаққа сапар шеккізгендей әсерге бөледі.
