Еске сала кетейік, «Самұрық-Қазынаның» құрамына кіретін компаниялардың алдына кең ауқымды міндеттер қойылып, нақты тапсырмалар берілген болатын, солардың қатарында өздерінің өндірістік қызметіне тікелей әсер етпейтін шығыстарды қысқарту, компаниялардағы басшылық лауазымдар мен вакансияларды қысқарту тұрғысынан ұйымдық құрылымдарын қайта қарау және т.б. жұмыстар қолға алынды.
2020 жылға жоспарланған шығыстарды талдау қорытындысы бойынша «Самұрық-Энерго» АҚ консультациялық, аудиторлық және заңгерлік қызметтермен, бағдарламалық жасақтаманы сүйемелдеумен және жаңартумен, резерв жасау және автокөлікті ұстау шығындарымен байланысты және өзге де ағымдағы шығыстарын қысқартты. Операциялық шығыстарымен қатар, компания күрделі сипаттағы шығыстарын да қайта қарады, бұл бойынша оңтайландыру 15,8 млрд теңгені немесе жалпы инвестициялық шығыстардың 13%-ын құрады.
Еліміздің аса ірі электр энергетикалық холдингі күрделі эпидемиялық ахуал кезінде өзінің қызметкерлерін қолдау үшін қажетті шараларды қолға алды. Карантин кезеңінде компанияның электр стансалары мен кәсіпорындарында жұмыс орындарын қысқартуға, жалақыны кешіктіруге жол берілмеді, сондай-ақ еңбек заңнамасында және ұжымдық шарттарда белгіленген өтемақылар төленіп, жеңілдіктер қарастырылды.
«Самұрық-Энерго» АҚ электр энергетикасы және көмір өндіру салаларындағы жұмысы штаттық режімде іске асырылуда.
Жылдың қорытындысы бойынша электр энергиясын өндіру көлемі 30,5 млрд кВт сағ деңгейінде, 2019 жылмен салыстырғанда өсім 0,3 млрд кВт сағ болады деген болжам жасалуда (2019 жылы өндіру көлемі 30,2 млрд кВт сағатты құрады).
