Саясат • 05 Қазан, 2020

Ақпараттық-түсіндіру жұмыстары жүргізілді

569 рет
көрсетілді
1 мин
оқу үшін

Мемлекет басшысы Қасым-Жомарт Тоқаевтың Қазақстан халқына арнаған «Жаңа жағдайдағы Қазақстан: іс-қимыл кезеңі» Жолдауында белгіленген басымдықтарды түсіндіру үшін Қорғаныс министрлігі мен Бас штаб офицерлерінен тұратын ақпараттық-түсіндіру тобы Шымкент және Тараз гарнизондарында орналасқан әскери бөлімдер мен жергілікті әскери басқару органдарына, сондай-ақ Әуе қорғанысы күштерінің шалғай бөлімшелеріне барды.

Ақпараттық-түсіндіру жұмыстары жүргізілді

Инфографиканы жасаған Амангелді Қияс, «ЕQ»

Гарнизондарды аралау барысында жеке құрам алдында Қарулы күштер Бас штабы бастығының орынбасары – Тәр­бие және идеологиялық жұмыс департаментінің бастығы, бірінші дәрежелі капитан Серік Бурамбаев сөз сөйледі. Ол стратегиялық құжаттың негізгі нормалары мен ережелерін жеткізді, Мемлекет басшысының Жолдауында алдағы реформалар мен жаңа экономикалық бағыттың базалық қағидаттары туралы айтып берді. 

Жолдауды жан-жақты түсін­ді­руден басқа, әскери қызметшілерді ақшалай үлеспен, тұрғын үй тө­лемдерімен қамтамасыз ету және басқа да мәселелер бойынша қолданыстағы заңнама нормалары туралы заң кеңестері берілді.

Гарнизондарда түсіндіру жұмыстарының сапасын арттыру үшін топ офицерлері келушілерді қабылдады. Соның арқасында көптеген әскери қызметшілер өздерін қызықтырған сұрақтарға жауап алды. Көбінесе жеке­ше­лендіру, қызметтік тұрғын үйді айырбастау, ипотекалық кредит беруді ресімдеу, медициналық сақ­тандыру, ақшалай ризықты және жәрдемақыларды төлеу тәрті­біне қатысты сұрақтар келіп түсті.

Ақпараттық-түсіндіру тобы­ның құрамына кірген тәрбие және идеологиялық жұмыс департаментінің офицерлері жеке құрамның әлеуметтік-тұр­мыс­тық жағдайларын зерттеді, ұжым­дардың моральдық-психо­логиялық жай-күйін анықтау және әлеуметтік көңіл күй деңгейін анықтау үшін офицерлер мен келісімшарт бойынша әскери қызметшілер арасында сауалдама жүргізді.