Жер жаһанды жайлаған пандемия кезінде ана мен бала денсаулығын қорғау тіптен де кезек күттірмейтін мәселе екеніне мән берген абзал. Әркім әулеті түгілі жеке басының қамын күйттеген күрделі шақта сынаққа толы сын сағатта ана мен баланың саулығын алдыңғы қатарға шығарып, олардың амандығы мен алаңсыздығы үшін әрекет еткен әлдеқайда пайдалы болмақ. Осы ретте Денсаулық сақтау вице-министрі Ажар Ғиният эпидемиялық жағдайды ескере отырып, республикадағы коронавирус инфекциясының алдын алу бойынша қабылданып жатқан шаралар туралы хабардар етті.
Оның айтуынша, әлемде аурудың өсуі жалғасуда. Қазіргі кезде әлемнің 216 елінде КВИ-дың 48 млн-нан астам жағдайы тіркелген, сырқаттанушылықтың өсуі – 1 пайыз. 1 млн 200-дей адам қайтыс болды, өлім көрсеткіші – 2,6 пайыз. Еуропа мен Азияның кейбір елдерінде бұрынғыша аурудың өсуі жалғасуда. Соңғы айда Германияда аурудың таралуы көбейгені байқалды.
«Соңғы 2 аптада еліміздің өңірлерінде КВИ-мен сырқаттанудың өсуі байқалады. Сырқаттанудың өсуі барлық өңірде байқалып отыр. Өткен аптамен салыстырғанда ауру 2,6 есеге өсті. Бүгінгі таңда 14 өңірдің – Солтүстік Қазақстан облысының, Батыс Қазақстан облысының, Ақмола, Маңғыстау, Алматы, Атырау, Павлодар, Қостанай, Батыс Қазақстан, Шығыс Қазақстан, Қарағанды облыстарының әкімдері, Нұр-Сұлтан, Алматы, Шымкент қалаларының әкімдері күшейтілген шаралар қабылдады. Күшейтілген шаралар қоғамдық тамақтану объектілерінің толтырылуын азайтуға, кәсіпкерлік немесе өзге де қызмет объектілерінің және халықтың тыныс-тіршілігіне қызмет ететін нысандардың жұмыс кестесін қысқартуға, шектеу шараларын сақтауға, демалыс күндері қоғамдық көлік қозғалысын тоқтата тұруға бағытталған», деді вице-министр.
Сонымен қатар Ажар Ғиният еліміздегі ауруханалар қай деңгейде толықтырылғанын айтты. Биыл 4 қарашадағы жағдай бойынша еліміздегі ауруханаларда 14 903 орын жасақталды, оның ішінде 12 767-сі – инфекциялық, 7 136-сы – карантиндік. Ал реанимациялық орындар саны – 1 245. Еліміз бойынша аталған орындардың толықтыру деңгейі 15 пайызы шамасында немесе 2 944 орын науқастарды емдеумен қамтылған. Инфекциялық стационарларда толықтыру деңгейі – 20 пайыз. Өңірлер бөлінісінде бұл көрсеткіш Солтүстік Қазақстан облысында жоғары, яғни толықтыру деңгейі 37 пайызды құрады. Ал Батыс Қазақстан облысында көрсеткіш 30 пайыз, Нұр-Сұлтан қаласында да 30 пайыз шамасында.
Реанимациялық төсектер 17 пайызға (213 төсек) толтырылған, СҚО-да 38%, ШҚО-да 29%, Нұр-Сұлтан қаласында 28 пайызында науқастар жатыр.
Коронавирус инфекциясының пандемия кезеңінде балалардың денсаулығын сақтау – еліміздің денсаулық сақтау саласының басым бағыттарының бірі. Күн сайын жаңа туған нәрестелер мен коронавирус инфекциясы бар балалар жағдайына мониторинг пен бақылау жүргізіліп отыр.
«Осы жылы республикада Сovid-19 диагнозы расталған барлығы 3 164 бала тіркелген, оның
114-і – жаңа туған нәресте. Барлық жағдайда ПТР нәтижелермен расталған. Covid-19 диагнозы зертханалық расталмаған 1 810 бала тіркелді. Бұл барлық тіркелген жағдайдың 4,8 пайызын құрайды. Балаларда Сovid-19 инфекциясынан өлім-жітім болған жоқ. Короновирус инфекциясының ағымы 85 пайызы балаларда симптомсыз жеңіл өтті. 14,2 пайызы баланың орташа дәрежесінде және 19 балада ауыр болды. Бұл барлық жағдайдың 0,6 пайызын құрады. Қазіргі кезде індет бар 340 бала бақылауда тұр, оның ішінде жаңа туған – 3 нәресте, 18 жасқа дейінгі балалар – 337, емдеуге жатқызылғандар – 55, амбулаториялық емдеуде – 285. Сондай-ақ 7 бала арасында вирустық пневмония диагнозы қойылған, 3 пациентте пневмония негізінен бактериялық сипатта болды», деді вице-министр.
Сондай-ақ ол Сovid-19 індеті бар 200 оқушы, балабақшаның кезекші тобына барған 18 бала және интернаттан 21 бала бақылауда тұрғанын жеткізді.
«Тамыздан бастап республикада COVID–19 індетімен астасқан мультижүйелік қабыну синдромы (Кавасакиге ұқсас синдром) жағдайлары тіркеле бастады. Ауру ушыққан жаз айларынан кейін балалар арасында аталған індет анықталды. Үш аптадан бері балалар арасында бұл ауру тіркелмеді», деді вици-министр.
Оның сөзіне қарағанда, биыл мультижүйелік қабыну синдромы бар 42 бала тіркелген, қазіргі уақытта мұндай диагнозы бар пациенттер жоқ. Балалар стационарлардан емделіп шыққан.
Халықаралық деректерді талдау кезінде (ЮНИСЕФ) қазіргі уақытта Сovid-19 таралуын жалпы құрылымдағы балалар популяцияның рөлі жеткіліксіз зерттелген дейді. Сонымен қатар аурудың зертханалық расталған жағдайлары бойынша Дүниежүзілік денсаулық сақтау ұйымы мәліметтеріне сәйкес жағдайлардың 1-7 пайызы балаларға тиесілі. Ал осы жас тобындағы өлім басқа топтармен салыстарғанда төмен деген мәлімет берген.
Денсаулық сақтау вице-министрі А.Ғиният биыл балалар арасында ауруға шалдығу деңгейі төмендегенін айтты.
«Жалпы, негізгі статистикалық деректерде еліміз бойынша бала туу артты, балалардың аурушаңдығы мен өлім-жітімінің деңгейі төмендеді, оң өзгерістер байқалады. Атап айтқанда, 2020 жылдың 9 айында 320 302 бала дүниеге келді, 2019 жылдың ұқсас кезеңіне қарағанда бұл көрсеткіш 5 пайызға жоғары», деді ол.
Осы жылдың 9 айының қорытындысы бойынша 18 жасқа дейінгі балалардың жалпы сырқаттанушылық көрсеткіші 15 пайызға төмендеді. Былтырмен салыстырғанда балалардың арасында тұмау жағдайлары 28 пайызға аз тіркелді. 2020 жылдың 9 айында пневмониямен жалпы сырқаттанушылық көрсеткіші 2019 жылдың сәйкес кезеңімен салыстырғанда 3,5 пайызға төмендеді. Сондай-ақ нәресте өлімінің көрсеткіші 2,5 пайызға, балалар өлімінің көрсеткіші 8 пайызға азайды.
Қазіргі пандемия кезінде балалардың денсаулығын сақтау мақсатында денсаулық сақтау жүйесінде көптеген шара қабылданып жатыр.
«Біріншіден, Сovid-19 пандемиясы кезінде балаларға көрсететін медициналық көмектің тәртібі бекітілді. Балаларды Сovid-19-ға коронавирус инфекциясы диагностикасымен емдеу клиникалық хаттамасы әзірленіп, халықаралық стандарттарға сәйкес бекітілді. Қазір осы клиникалық хаттамамен барлық баланы өңірлерде медициналық қызметкерлер емдеп жатыр. Сонымен қатар өңірлердегі аурудың қатаң жағдайындағы балаларды осы республикалық деңгейде қалыптасқан эксперттік жұмыс тобы бар. Оның құрамына белгілі ғалымдар, дәрігерлер кіреді. Әрбір балаға тәулік бойы консультативтік көмек көрсетуде. Пандемия кезінде балаларға амбулаториялық-емханалық деңгейде медициналық көмекті ұйымдастыру шеңберінде әрбір балаға, жүкті әйелдерге бөлек фильтр бөлмелер қарастырылды», деді вице-министр.
