Аймақтар • 07 Қараша, 2020

Қостанай облысында полиция тергеушісі жол-көлік оқиғасынан көз жұмды

417 рет

көрсетілді

1 мин

оқу үшін

6 қарашада Қарасу ауылында болған жол-көлік оқиғасының салдарынан полиция тергеушісі қаза тапты. «Лада-Гранта» көлігін мініп келе жатқан 33 жастағы жүргізуші жаяу жүргінші жолағынан өтіп келе жатқан полиция қызметкерін қағып кеткен. Ауыр жарақат алған полиция капитаны Светлана Исаева ауруханаға жеткізіліп, бүгін таңертең көз жұмды.

Нұрқанат ҚҰЛАБАЕВ

Қостанай облысында полиция тергеушісі жол-көлік оқиғасынан көз жұмды

Облыстық полиция департаментінің баспасөз қызметі «Қазір ҚР ҚК 345-бабы бойынша сотқа дейінгі тергеу басталды. Қазір тергеушінің үстінде қызметтік киім болғаны және жұмыстан шығып, үйіне келе жатқаны анықталды. Полиция басшылығы мен жеке құрамы марқұмның отбасының қайғысына ортақтасып, көңіл айтады», - деп мәлімдеді.

33 жастағы Светлана Исаева полиция сапында 6 жыл қызмет атқарған.

Қостанай облысы