Көгілдір отын жеткен ауылдар көбейіп жатыр

Nur Otan партиясы Қостанай об­лыс­тық филиалы төрағасының бі­рінші орынбасары Эльдар Күзен­ба­ев газ құбыры тартылатын ауыл қатары жыл сайын еселене бере­тінін жеткізіп, аймақтың әлеу­мет­тік инфрақұрылымын дамыту мақсатында жүзеге асырылып жатқан басқа да игі шаралар жөнінде айтты.

Әсіресе облыс халқының өмір сапасын жан-жақты жақсарту, тұр­ғын­дарды таза ауыз су, баспана және сапалы жолмен қамтамасыз ету, әлеу­мет­тік инфрақұрылымды жаңарту мәсе­лелері өзекті болып тұр.

– Жаһандық коронавирус індеті облысымыздың экономикалық жағ­дайы­на кері әсер етіп жатқаны жасырын емес. Алайда мемлекет тарапынан азаматтарды қолдауға ар­нал­ған дағдарысқа қарсы шара­лар әзірленіп, күн сайын жол-көлік инфрақұрылымын, тұрғын үй-ком­муналдық шаруашылығын жаң­ғыртуға, сондай-ақ салауатты эко­ло­гиялық жағдайды сақ­тау­ға ба­ғыт­тал­ған мемлекеттік бағ­дар­ла­ма­лар сәтті жүзеге асырылып жатыр, – деді Э.Күзенбаев.

Облыстық филиал төрағасы орын­ба­сарының айтуынша, бүгін­де көлік инфрақұрылымын одан әрі дамыту мақсатында автомобиль жолдарының сапасын арттыру және 2025 жылға қарай сапалы жолдардың үлесін 95 пайызға жеткізу көзделіп отыр. Бұған қоса 300-ден артық адам тұратын ауылдарда орталықтандырылған су құбыры тартылады. 200-ден 300-ге дейін немесе одан да көп тұрғыны бар елді мекендерге келісіммен су тазарту және су тарату пункттері салынады. Сондай-ақ халық саны 200 адамға дейінгі суы сапалы құдығы жоқ шағын ауылдарға орталықтандырылған су құбыры тартылғанша, ауыз су сырттан тасымалданады.

Бүгінде жергілікті атқарушы би­лік­­тің күшімен облыстың 11 елді ме­кенінде сумен жабдықтау желі­ле­рін қайта құру, 93 ауылда сумен жабдықтау нысандарын салу жоспарлануда. Нәтижесінде, ауылда тұратын 98,3 мың тұрғынның сапалы ауыз суға қол жеткізуіне мүмкіндік туады.

Филиал төрағасының орынбаса­ры мемлекеттік тұрғын үй бағ­дар­ла­маларын іске асыру барысына да тоқталып өтті. Айтуынша, был­тыр «Нұрлы жер», «7-20-25» бағ­дар­ла­ма­ла­ры шеңберінде 1 580 отбасы баспаналы болған.

– Азаматтардың әлеуметтік әл-ауқаты – аймақтың тұрақты әлеу­мет­тік-экономикалық дамуының көрсеткіші. Біз білім беру, денсаулық сақтау, спорт және әлеуметтік қыз­мет­тер саласындағы сапалы қыз­мет­­терге қолжетімділікті қамта­ма­­сыз ету арқылы тұрғындардың тұр­­мы­сын жақсартамыз. Жергілікті билік Қостанай облысы халқының талап-тілектерін қанағаттандыру мақса­тында қолдан келгенше мүмкін шаралардың барлығын тиімді жүзеге асырып келеді, – деді Э.Күзенбаев.

Қостанай облысы