Экология • 18 Қараша, 2020

Мемлекет басшысы Бозжыра шатқалында қонақүй салу жобасын қайта қарауды тапсырды

55 рет көрсетілді

Мемлекет басшысының баспасөз хатшысы Берік Уәли өзінің Facebook парақшасында Маңғыстау облысы Бозжыра қорығы аумағында қонақүй құрылысы жобасын қайта қарау туралы Президент Қасым-Жомарт Тоқаевтың тапсырмасына түсінік берді, деп хабарлайды Egemen.kz

"Кеше Facebook әлеуметтік желісінде Президенттің Бозжыра қорығы аумағында салынатын қонақүйдің құрылысын қайта қарауды тапсырғаны жайында жазып едік. Аталған жазба ақпарат құралдары мен әлеуметтік желілерде қызу талқыланып, түрлі сұрақтар қойылып жатыр. Сондықтан осы мәселеге тағы бір мәрте оралып, қосымша түсініктеме бергенді жөн деп таптық. Маңғыстау облысында туризмді дамыту – Үкіметке жүктелген маңызды міндеттердің бірі.

Бүгінде бұл бағытта жұмыстар басталып кетті. Бес жұлдызды қонақүй салынып, жайлы мейманханалардың тұтас желісін құру жоспарланып отыр. Мұндай жүйелі жұмыстар аймақтың туристік тартымдылығын арттыратыны сөзсіз. Жақында Бозжыра табиғи қорығының жанынан қонақүй салу жобасы ұсынылды.

Өкінішке қарай, қазіргі кезде қорықтың айналасындағы туризм табиғатты қорғау шараларын сақтамай, бейберекет дамып жатыр. Бұл осы ерекше табиғат қорығына орасан зиянын тигізуде. Президент экологиялық туризмді өркениетті жолмен дамытуды қолдайды. Ол үшін қажетті инфрақұрылым, ең алдымен, жайлы қонақүйлер қажет. Сондықтан Мемлекет басшысы Үкіметке қонақүй салу жобасын қайта қарауды тапсырды. Бірақ, бұл жоба осымен тоқтайды дегенді білдірмейді", деп жазды Президенттің баспасөз хатшысы.

Берік Уәлидің айтуынша, қоғамдық кеңестердің, эколог сарапшылардың және мемлекеттік ведомстволардың ой-пікірлері ескеріле отырып, қонақүй салуға арналған басқа ыңғайлы жер таңдалады.

Соңғы жаңалықтар

Мұнай бағасы 1 долларға арзандады

Экономика • Бүгін, 12:30

Ертең Үкімет отырысы өтеді

Үкімет • Бүгін, 12:12

«Канело»: Головкинді нокаутпен жеңемін

Кәсіпқой бокс • Бүгін, 12:08

Коронавирус жұқтырғандар көбейді

Коронавирус • Бүгін, 10:29

Газеттер «сөйлеген» күн

Қазақстан • Бүгін, 08:34

Түркияда бақ сынайды

Спорт • Бүгін, 08:33

Әбиба қола алды

Спорт • Бүгін, 08:32

«Уимблдон» додасы басталды

Спорт • Бүгін, 08:30

Байтұрсыновқа арналған байқау

Ахмет Байтұрсынұлы • Бүгін, 08:22

Ұқсас жаңалықтар