Аймақтар • 20 Қараша, 2020

Шымкентте карантиндік шектеулер ұзартылады

67 рет көрсетілді

Шымкент қаласының Бас мемлекеттік санитариялық дәрігері Әбдіманап Төлебаев жаңа қаулыға сәйкес шектеу шаралары 2020 жылғы 23 қарашадан 7 желтоқсанға дейін ұзартылатынын мәлімдеді, деп хабарлайды Egemen.kz

Айым ДӘУІТ

"Ашық алаңда жұмыс жасайтын қоғамдық тамақтандыру объектілерінің және 50 орынға дейін арналған үстелдер орналастырылған үй-жайдағы қоғамдық тамақтану нысандарының (кафе, мейрамханалар, спорт-барлар, асханалар), оның ішінде сауда-ойын-сауық кешендерінің ішінде орналасқан нысандардың қызметі жұмыс, демалыс және мереке күндері сағат 07:00-ден бастап 23:00-ге дейін шектеледі", дейді өңірдің бас санитар дәрігері.

Сондай-ақ келушілерге қызмет көрсетпейтін жұмыс орындары әдеттегідей жұмыс істей береді;

салтанатты, еске алу іс-шараларын (банкеттер, тойлар, еске алу, туған күндер, мерейтойлар, шығарып салу, құдалық, беташар және т.б.) өткізуге тыйым салынады;

фудкорттардың, банкет залдарының жұмысына, қоғамдық тамақтану объектілерінде кальян қолдануға тыйым салынады

АЖБ бекеттері, АЖБ бекетіндегі дүкендер, авто қосалқы бөлшектер дүкендері, АВТО-экспресс (тамақты сыртқа шығару), автожуу, шиномонтаждау, тігін шеберханалары, тұрмыстық техниканы жөндеу объектілері, химиялық тазалау, кір жуу, телефондар мен компьютерлерді жөндеу жұмыстары қалыпты режімде жұмыс істей береді;

50-ден астам отыратын орны бар қоғамдық тамақтану объектілері жұмыс істей алмайды. Бұл ретте жеткізуді немесе шығару режімінде жұмыс істейтін қоғамдық тамақтандыру объектілері қалыпты режімде жұмыс істейді;

Қоғамдық көлік жұмыс күндері, мереке және демалыс күндері 7:00-ден 23:00-ге дейін жүреді. Бұл жағдайда жолаушылар маска киіп, автобус толымдылығы бақылауда болуы қажет.

Күннің маңызды және өзекті жаңалықтарын «Егемен Қазақстан» телеграм каналынан оқыңыз