Елорда • 23 Қараша, 2020

Мыңнан астам елордалық карантинді бұзғаны үшін жауапқа тартылды

5 рет көрсетілді

Елордада полицейлер, еріктілер мен әкімдік өкілдері сауда орталықтарына, дүкендер және адамдар көп жиналатын басқа да орындарда рейд жүргізіп жатыр, деп хабарлайды Egemen.kz

Іс-шараның мақсаты – коронавирус инфекциясының таралуына жол бермеу. Карантиннің күшеюіне қарамастан, бірқатар мекемеле әлі де талаптарды елемей отыр.

Сонымен, 21 қарашада сағат 18:30-да мобильді топ New Stars мейрамханасына барып, "Беташар" рәсімі өткенін анықтады. Тойда полиция қызметкерлері шамамен 70 адам болғанын алға тартады.
Осындай талап бұзушылық "Алаш" және "Багратион" мейрамханаларында анықталған. Бірталай қонақ жиналған.

21 қараша күні сағат 23:32-де мобильді топ 40-қа жуық адам жиналған IZI Bear bar барын анықтады.

"Көптеген нысан жұмыс режімін бұзып жатады. Санитарлық дәрігердің қаулысына сәйкес тамақтану орындары 22:00-ге дейін жұмыс істеуі керек. Бүгінгі таңда көптеген нысандар жұмысын жалғастыруда, көп адам болып жиналатын жерлер де бар, бұған тыйым салынады. Бұл үшін олар әкімшілік жауапкершілікке тартылады",-деді Есіл ауданының санитарлық-эпидемиялық қадағалау басқармасының бөлім басшысы Айман Жанатаева.

Карантинді бұзған мекеме иелеріне қатысты жиналған материалдар іс жүргізу шешімін қабылдау үшін, Нұр-Сұлтан қаласының тауарлар мен көрсетілген қызметтердің сапасы мен қауіпсіздігін бақылау басқармасына жолданды.

23 қарашадағы жағдай бойынша Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау комитетіне аудандық полиция басқармаларынан карантинді бұзуға жол берген тұлғаларға қатысты 2129 материал келіп түсті. 1069 жеке және заңды тұлға жалпы сомасы 210 747 966 теңгеге әкімшілік жауапкершілікке тартылды.

Бүгінгі күні жалпы сомасы 162 395 245 теңгеге 825 әкімшілік айыппұл төленді.

Соңғы жаңалықтар

Пневмониядан 1 адам қайтыс болды

Коронавирус • Бүгін, 11:44

Ұқсас жаңалықтар