Қазақстан • 30 Қараша, 2020

Бейбітшілік пен келісім саясатының символы

6 рет көрсетілді

Елордалық Достық үйінде Тұңғыш Президент күніне арналған «Қазақстан Республикасының Тұңғыш Президенті – Қазақстан халқы Ассамблеясының Төрағасы Н.Ә.Назарбаевтың бірлік пен келісімді нығайту жөніндегі саясаты» тақырыбында ғылыми-сарапшылық кеңесінің кеңейтілген отырысы өтті.

Қазақстан халқы Ассамблеясы мұрындық болған кеңес отырысына Қазақстан халқы Ассам­блея­сы Төрағасының орынбаса­ры Жансейіт Түймебаев, Парламент Мәжілісі Төрағасының орынбасары В.Божко, Ақпарат және қоғамдық даму вице-министрі М.Әзілханов, Қолданбалы этносаяси зерттеулер институтының директоры Т.Қалиев, Президент жанындағы Қазақстан стратегиялық зерттеулер институтының директоры З.Шәукенова, Қазақстан хал­қы Ассамблеясының ғылыми-сарапшылық кеңесінің төр­айымы А.Сәдуақасова, басқа да қазақстандық сарапшылар мен ғалымдар, ҚХА ғылыми-сарапшылық кеңесінің және ҚХА мүшелері, мемлекеттік органдар мен этномәдени бірлестіктердің өкілдері қатысты.

Қазақстан халқы Ассамблея­сының 25 жылдығы мен Тұң­ғыш Президент күні қарсаңын­да өткізіліп отырған ғылыми-сарап­шылық кеңесінің кеңейтілген отырысы барысында алғашқылардың бірі болып сөз алған Қазақстан халқы Ассамблеясы Төрағасының орынбасары Жансейіт Түймебаев  «Ассамблеяның 25 жыл­дығы Тәуелсіздік жылдары жүр­гізіліп келе жатқан бейбітшілік пен келісім саясатының символына ай­налды», деді.

Сонымен бірге ол 11 қарашада Елбасының төрағалығымен және Мемлекет басшысының қаты­суымен өткен Ассамблея Кеңесі ұйым жұмысына жаңа серпін бер­генін айта келе, қазіргі уақытта этно­­саралық қатынастар саласында атқарылып жатқан жұмыстар туралы да сөз етті.

«Қазақстанның саясаты мен ұлтаралық қарым-қатынас моделі барлық халықаралық стандартқа сәйкес келеді. Елбасы Нұрсұлтан Назарбаев осы саяси бағдардың арқасында елдің әлеуметтік және мәдени ортасы өзгеріп келе жатқанын айтып өтті. Қоғамдық сананы жаңғыртуға бағытталған «Рухани жаңғыру» бағдарламасы қазақстандықтардың ой жүйесіне, халықтың өміріне оң өзгеріс әке­ліп, мемлекеттік тіл жалпыға ортақ мойындалған, біріктіруші тіл рөліне ие болды. Ассамблея Арыс пен Мақтаарал ауданындағы оқи­ғаларда үлкен әлеуметтік көмек көрсетті. Бұл бағыттағы жұмыс жалғасын табады», деді Ж.Түймебаев.

Сонымен қатар ҚХА Төр­аға­сының орынбасары Жан­сейіт Түй­мебаев ұлтаралық қарым-қатынас білім, мәдениет, тіл саясаты сала­сындағы көптеген жұмыс жүргізуге тікелей байланысты екенін жеткізе отырып, Елбасы Ассамблея кеңе­сінде жа­ңа инклюзивті саясатқа сұра­ныс барын мәлім еткенін еске салды: «Мемлекеттік тіл бірік­тіруші факторға айналуы тиіс. Ол елі­міздің бірлігін бекемдей түседі. Бізге білім саласында да, азаматтық ортада да мемлекеттік тілді үйре­тетін ғылыми тұрғыда негіз­делген әдістемесі керек. Елба­сы бұл тұрғыда тапсырма берді. ҚХА Ғылыми-сарапшы­лық кеңесі бұл жұмысқа өз үл­есін қосуы тиіс. Келер жылы Тәуел­сіз­дігімізге 30 жыл толады. Иә, отыз жыл да өте шықты. Осы күнге жету үшін барша қазақ­стандық бірлесе аянбай еңбек етті. «Дамудың сыры – бірлікте, табыстың сыры – тірлікте» екенін көкейге берік түйген ел озады. Осы жолда ғылыми-сарапшылық кеңестің қосар үлесі зор екендігіне сенімдімін. Бірлігі жарасқан, Туы биік, тұғыры берік Қазақ елі мәңгі жасасын!», деп түйіндеді.

Сондай-ақ отырыс барысында қатысушылар «ҚХА қалып­тасуындағы Қазақстан Респуб­ликасының Тұңғыш Президенті Н.Ә.Назарбаевтың рөлі», «Қазақ­стан­дық бірегейлікті қалып­тастыру», «Мемлекеттік және тіл саясатын дамытудағы Қазақстан халқы Ассамблеясының рөлі» тақырыптарында өз ойларын ортаға салды.

Іс-шара соңында «Қазақстан халқы Ассамблеясы: бірлік пен келісімнің 25 жылы» атты кіта­бының тұсаукесері өтті.

Соңғы жаңалықтар

26 қаңтардағы валюта бағамы

Қаржы • Бүгін, 12:46

Кобидің қазасы

Спорт • Бүгін, 10:47

Ұқсас жаңалықтар