Аймақтар • 30 Қараша, 2020

Қостанай облысында дәрігерлік амбулатория пайдалануға берілді

89 рет
көрсетілді
1 мин
оқу үшін

Тұңғыш Президент күні мерекесі қарсаңында Бейімбет Майлин ауданындағы Тобыл станциясында «Ауыл – ел бесігі» бағдарламасы бойынша күрделі жөндеуден өткен дәрігерлік амбулатория  пайдалануға берілді. Медициналық мекеменің қайта ашылу рәсіміне облыс әкімінің орынбасары Ерлан Спанов арнайы келіп қатысты, деп хабарлайды Egemen.kz.

Қостанай облысында дәрігерлік амбулатория пайдалануға берілді

"Амбулатория елді мекендегі 7,5 мың адамға қызмет етеді. Мұндағы дәрігерлер бір ауысымның өзінде шақырту бойынша 30-дан астам мекенжайға барып, алғашқы медициналық көмек көрсетеді. Биыл амбулаториядағы мамандар қатары жаңа кадрлармен толықты. Оның бірі – жаңа оқу бітірген жас маман, екіншісі – Жамбыл облысынан көшіп келген тәжірибелі дәрігер. Амбулатория бір ауысымда 35 науқасты қабылдайды, 15 төсек-орын бар", - деді облыс әкімінің орынбасары.

Тобыл дәрігерлік амбулаториясына биыл  "Ауыл – ел бесігі" бағдарламасы аясында 191 млн теңге қаржы бөлініп, емдеу мекемесі ғимаратының  шатыры, қасбеті, ішкі бөлмелері толық жаңартылып, жаңа жиһаздар мен зертханалық жабдықтар сатып алынды.

Соңғы жаңалықтар

Су үнемдейтін қондырғы

Технология • Кеше