Шаһар басшысы өзінің әлеуметтік парақшасында панноның алматылықтар үшін сүйікті сәулеттік жәдігерлердің бірі екендігін еске сала отырып: «Түйелер» сәндік бедерлі панносының авторы әрі мүсінші Павел Шорохов композицияны бастапқы қалпына келтіру туралы өтінішімді қабыл алды. 1982 жылы жасалған панно «Достық» скверінде тұр. Бүгінде ол алматылықтардың сүйікті архитектуралық бейнелерінің бірі», – деп жазған болатын.
Мегаполис жетекшісі Алматының визиттік карточкасына айналған бірқатар мүсіндік туындылардың авторы Павел Шорохов екенін еске салады. Бұлар – Арбатта тұрған «Ойындағы балалар», «Фламинго», «Лотос», сондай-ақ Қазақ мемлекеттік циркінің жанындағы «Акробатка», «Пантера», «Сайқымазақ» сынды бірегей туындылар. Мүсіншінің басқа да жұмыстары Қазақстан, Ресей, Германия, Аустрия, Италия музейлеріне қойылған.
Панноның қас бетін қалпына келтіру жұмыстарымен айналысып отырған автор: «Көріп тұрғандарыңыздай, мыс қабықтың оң және сол жақ шеттері жұлынып қалған. Көп зиян келтірілген. Мыс қабатының шамамен үштен бір бөлігі зақымдалған. Модельдің өзі темірбетонмен құрастырылған», – деген болатын.
Мүсіндік туындының авторы панноны қалпына келтіру қиын әрі оны жөндеуге шамамен он күн қажет болғанын айтады.
АЛМАТЫ
