Саяси науқан барысында сайлаушылар мен сайлау комиссиясы тарапынан заңға қайшы ешбір өрескел әрекеттер байқалмаған. Байқаушылар бірауыздан сайлаудың әділ әрі ашық өткенін, науқан барысында санитарлық талаптардың қатаң сақталғанын айтады.
Сайлауда дауыс беру кезінде барлық учаскелерде санитарлық талаптардың сақталуы жіті қадағаланып, тиісті шаралар өз деңгейінде жүзеге асырылды. Әр учаскедегі кабиналар арнайы санитарлық құрылғылармен сағат сайын тазартылып, әлеуметтік арақашықтықтың сақталуы қатаң қадағалауға алынды. Облыстағы барлық сайлау учаскелерінің кіреберісінде медицина қызметкерлері мен волонтерлер кезекшілік атқарды. Олардық негізгі міндеті сайлаушылардың санитайзерге қол шаюын қадағалап, дене қызуын өлшеп, әр адамға медициналық қолғап, маска, қалам үлестіру болды. Маска, қолғаптармен барлық учаскелер жеткілікті түрде қамтылды.
Сайлау үдерісіне қатысу құқығына ие болған өңірдегі үкіметтік емес ұйымдар өз міндеттерін ойдағыдай орындады.
Байқаушылардың айтуынша, саяси науқан барысында сайлауға қатысты заң бұзу деректері тіркелген жоқ.
Қорыта айтқанда, облыста сайлау құқығына ие тұрғындардың өз таңдауларын жасауына барлық жағдай жасалынды.
Қостанай облысы
