Аймақтар • 14 Қаңтар, 2021

Қостанай облысында 417,2 мың шаршы метр тұрғын үй пайдалануға беріледі

117 рет
көрсетілді
1 мин
оқу үшін

Биыл Қостанай облысында тұрғын үй саясатын жүзеге асыруға бюджеттен 20,4 млрд теңге бөлінді. Бұл туралы облыс әкімдігінде өткен кеңес отырысында аймақ басшысы Архимед Мұхамбетов мәлімдеді.

Қостанай облысында 417,2 мың шаршы метр тұрғын үй пайдалануға беріледі

«Биыл облыста ел игілігіне берілетін тұрғын үй көрсеткішін 10%-ға арттыру міндеті тұр. Бірінші тоқсанда 93,5 мың шаршы метр баспана пайдалануға беріледі. Оның ішінде көп қабатты тұрғын үйлердің үлесі 64,7 мың шаршы метр болады», - деді облыс әкімі.

Кеңес барысында Қостанай, Рудный қалалары мен Қостанай ауданының әкімдері  халықты баспанамен қамтудың 2021 жылға арналған  жоспары туралы баяндады.

Жиын соңында аймақ басшысы тұрғын үй құрылысының қарқынын төмендетпеуді, инженерлік-коммуникациялық инфрақұрылымды жетілдіру жұмысын жалғастыруды, сондай-ақ жоспарланған құрылыс жұмыстарын сапалы жүргізуді және тұрғын үй нысандарын мерзімінде аяқтауды тапсырды.

Қостанай облысы