Аймақтар • 15 Қаңтар, 2021

Алматыда қалалық мәслихаттың хатшысы сайланды

47 рет көрсетілді

Алматы қалалық әкімдігінде өткен VIІ сайланған Алматы мәслихатының бірінші сессиясы барысында болып Станислав Канкуров мәслихат хатшысы сайланды, деп хабарлайды Egemen.kz

Станислав Канкуров бұған дейін Nur Otan партиясы Алматы қалалық филиалы төрағасының бірінші орынбасары қызметін атқарған. Оның партиядағы жұмысы кезінде азаматтардың 100 мыңнан астам өтініші қаралып, 70 мыңнан астам отбасына қайырымдылық көмек көрсетілді. Еңбек жолын 2005 жылы қарапайым маман ретінде бастап, Д. Қонаев атындағы университетті заң, ал Ломоносов (MBA) атындағы университетті экономика мамандығы бойынша тәмамдайды. Мемлекеттік тілді жетік меңгерген. 2011 жылдан бастап Алматы қаласындағы Nur Otan партиясында басшылық қызметтер атқарған. Сондай-ақ сессия барысында Nur Otan қалалық сайлауалды бағдарламасы мен «Алматы-2050» Стратегиясына негізделген 5 жылға арналған аумақты дамыту бағдарламасы бекітілді.

2021 жылғы 10 қаңтардағы сайлау қорытындысы бойынша Алматы қалалық мәслихатына төрт саяси партия өтті. Оның ішінде: «Nur Otan» партиясы мәслихатта 29 депутаттық мандат, «Ақ жол» - төрт, «Ауыл» және «Қазақстанның Халық партиясы» - үш мандат алды.

Мәслихаттың тұрақты комиссияларының саны да жаңарды. Егер бұрын олардың саны 6 болса, қазір 7 тұрақты комиссия құрылды. Қала әкімінің ұсынысы бойынша экология, туризм және қоғамдық кеңістікті дамыту мәселелері жөніндегі комиссия қосылды. Стратегиялық жоспарлау, бюджет және тиімділік жөніндегі комиссияны Асқар Білісбеков, Көлік және коммуналдық инфрақұрылымды дамыту жөніндегі комиссияны Есенгелді Талбидинов басқарды. Қала құрылысы, тұрғын үй және жерді пайдалану жөніндегі комиссия Максим Финогенов. Арманжан Байтасов кәсіпкерлікті, инновацияларды, ақпараттық технологияларды және креативті индустрияны дамыту жөніндегі комиссияны басқарды. Сондай-ақ, жергілікті мемлекеттік басқару және қауіпсіздік мәселелері жөніндегі комиссияны Рахат Шимашева, Әлеуметтік-мәдени даму, Жастар және қоғамдық коммуникациялар жөніндегі комиссияны Арман Жүдебаев басқарды. Экология, туризм және қоғамдық кеңістікті дамыту мәселелері жөніндегі жаңа комиссияны азаматтық сектор өкілі Алтынай Көбеева басқарды.

Алматы қаласы мәслихатының тарихында алғаш рет депутаттық мандаттар төрт партияға бөлінді. Депутаттық құрам 70 пайызға жаңарды. Мәслихат хатшысы Станислав Канкуров мәслихаттың ең жас басшысы болып, ал «Nur Otan» партиясының депутаттық фракциясын алғаш рет әйел адам - «Отбасыбанк тұрғын үй құрылыс жинақ банкі» АҚ басқарма Төрайымы Ләззат Ибрагимова жетекшілікке алды.

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар