Аймақтар • 17 Қаңтар, 2021

Қостанайда 5-11 сынып оқушылары қашықтан оқуға көшті

21 рет көрсетілді

Қостанай қаласының 5-11 сынып оқушылары қашықтан оқуға көшті. Білім басқармасының мәліметінше, қаңтардың бірінен он бесіне дейін облыс орталығында короновируспен ауырған 53 оқушы тіркелген. Індет жұқтырғандардың ішінде қашықтан оқып жатқан 34, кезекші сыныптарға барып жүрген 19 бала бар.

Мұның сыртында, жыл басынан бері білім саласында жүрген 50 адамның короновирус індетімен ауырғаны белгілі болып отыр. Мұның ішінде кезекші сыныптарда сабақ берген 19, қашықтан оқытып жүрген 16 мұғалім және мектепке дейінгі мекемелерде жұмыс істейтін 18 тәрбиеші бар.     

Білім мекемелеріндегі санитарлық-эпидемиялық ахуалдың асқынуына байланысты,  Қостанай қаласының бас санитарлық дәрігері А.Байкенов білім мекемелеріндегі санитарлық талапты күшейту туралы жаңа қаулы қабылдап, 5-11 сынып оқушыларын қаңтардың 18-інен 31-іне дейін қашықтан оқыту режіміне ауыстырды.

Білім басқармасының басшысы З.Байменованың айтуынша, 1-4 сынып оқушылары бұрынғыдай ғана кезекші сыныптарда білім алады. «Алайда балаларын қашықтан оқыту режіміне көшіргісі келген ата-аналарға еш қарсылық болмайды», деді басқарма басшысы.

Облыс орталығынан тыс жатқан қалалар мен аудандардағы мектептердің көбі қазірше бұрынғыдай дәстүрлі режімде жұмыс істеп жатыр. Тек Алтынсарин, Қарасу ауданындарында 5 мектеп және  Рудный қаласы мен Алтынсарин ауданында 4 балабақша қашықтан жұмыс істеуге көшірілді. 

ЖОО мен колледж студенттері оқуларын қалыпты режімде жалғастырады.        

 

Қостанай облысы

Соңғы жаңалықтар

Медбикенің мұнысы не?

Аймақтар • Кеше

Доллар арзандап келеді

Экономика • Кеше

Ұқсас жаңалықтар