Медицина • 21 Қаңтар, 2021

Медициналық сақтандыру жүйесі тиімділігін көрсетті

379 рет
көрсетілді
6 мин
оқу үшін

Бүкіл әлемге орасан қауіп-қатерімен келген бейдауа дерт былтыр еліміз үшін үлкен сынақ болғаны анық. Індет қос бүйірден қысқан осынау сын сағатта медициналық қызметтердің жүйелі ұйымдастырылуына әлеуметтік медициналық сақтандыру қоры өз үлесін қосуда. Бұл жөнінде Орталық коммуникациялар қызметі алаңында кеңінен айтылды.

Медициналық сақтандыру жүйесі тиімділігін көрсетті

 

Аталған брифингте Әлеуметтік медициналық сақтандыру қорының Басқарма төрағасы Болат Төкежанов қордың 2020 жылғы жұмысын қоры­тындылап, осы жылға белгіленген не­гізгі міндеттерден хабардар етті.

– Медициналық сақтандыру жүйе­сін жүзеге асыру кезеңі корона­вирус пандемиясымен тұспа-тұс келді. Қор­дың негізгі міндеті – медици­налық ұйымдарды үздіксіз қаржы­лан­дыру және КВИ-мен күреске жұ­мыл­дырылған медицина қызметкер­лерін материалдық қолдау. Қор бұл міндетті толық орындады. Індеттің тара­луы жағдайына дайын болу үшін бірнеше маңызды қадам жасалды. Пандемия кезінде алғашқы меди­циналық-санитарлық көмектің рөлі күшейтілді, мобильді топтар құрылып, үйдегі күндізгі стационарлар ұйымдастырылды және медициналық қызмет қашықтан көрсетіле бастады. Сонымен қатар ПТР диагностика­сы бойынша зертханалық қызметтің мүм­кіндігі артты. Қор медициналық сақтан­дыру жүйесіне қатысу-қатыс­пауына қарамастан бүкіл халықтың осы көмекке қолжетімділігін қамта­масыз етті. Форс-мажор жағдайларға қарамастан, МӘМС-ті енгізудің бірінші жылының нәтижесі медициналық сақтандыру жүйесінің толық жұмыс істейтінін көрсетті. Бұл денсаулық сақтау жүйесіне 500 млрд теңгеден аса қаржы құюға мүмкіндік берді. Осы қаражат есебінен медициналық қызметтердің – сирек кездесетін сала мамандарының кеңестері, диагностика, тексерулер, күндізгі стационар қызметінің көлемі едәуір өсті. Енді бізде жоғары технологиялық операцияларды қаржыландыруға және медициналық қызметтің осы түріне кезекті азайтуға мүмкіндік бар, – деді Б.Төкежанов.

Өткен жылдың қорытындысы бойынша амбулаторлық-емханалық деңгейде халыққа 215 млн-ға жуық қызмет көрсетілді. Амбулаторлық-емханалық көмекті қаржыландыруды ұлғайту – ӘМСҚ басымдықтарының бірі. 110 млн қабылдау, бұл қатарда 33 млн-ға жуық бейінді мамандардың қабылдауы, 65 млн зертханалық диаг­ностика қызметі, шамамен 28 млн процедура мен манипуляция, 11 млн диагностикалық қызмет, оның ішінде 454 мың КТ/МРТ, 2,8 млн УДЗ, 13,5 мың ПЭТ диагностикасы кіреді.

Емханалар арқылы көрсетілген барлық консультациялық-диагнос­тика­лық қызметтің негізгі бөлігі меди­ци­налық сақтандыру есебінен төленген. 2020 жылы күндізгі стацио­нарға 1 млн-нан аса адам жатып емдел­ді, оның ішінде 508 мыңы ТМККК шеңберінде және 578 мыңы МӘМС жүйесінде емдеуге жатқызылды. 2,7 млн-ға жуық пациент тәулік бойы жұмыс істейтін стационарларда ем алды. Шұғыл госпитализация жағдай­лары айтарлықтай төмендеген. Жалпы құрылымда шұғыл көмек 62%-ды құрайды. Шұғыл ауруханаға жатқызу науқастың асқынулармен немесе кеш анықталған диагнозбен түскенін көрсетеді. Сонымен қатар жоспарлы емге қолжетімділік те артты: пациенттердің 86%-ы бір күннен он күнге дейінгі мерзімде стационарларға орналастырылды және тек 5%-ы 30 күннен астам уақыт күтті.

Өткен жылы коронавирус инфек­циясымен күрес шеңберінде іс-шара­ларды қаржыландыру үшін 187,7 млрд теңге бөлінді. Желтоқсандағы болжамды соманы қоса есептегенде медицина қызметкерлеріне үстемеақыға 110,9 млрд теңге жұмсалды. Медициналық көмекке және КВИ таралуын тоқтатуға 53,9 млрд теңге қарастырылып, провизорлық, карантиндік және инфекциялық стационарларға 384 мың адам емдеуге жатқызылды. ПТР диагностика қызметіне 19,7 млрд теңге бөлініп, 1,9 млн-нан аса ПТР-тест өткізілді. Сондай-ақ 3,2 млрд теңге мобильді топтарға бөлініп, олар 550 мыңға жуық шақыруға қызмет көр­сетті.

Қор басшысының айтуынша, жа­қында ынталандыру үстеме­ақысын 2021 жылдың бірінші жарты­жыл­дығында да төлеу туралы шешім қабылданды. Контингент пен алушылар тобы өзгеруі мүмкін, барлығы елдегі эпидемиялық жағдайға байланысты. Қазір әлеуметтік медициналық сақтандыру қоры желтоқсан айындағы үстемеақы төлеуді аяқтауда. Жалпы алғанда мұны 52 мыңнан аса медицина қызметкері алады: 11 мың адам – бірінші қауіп тобында, 17 мың адам – екінші топта, 22 мың адам үшінші топта еңбек етті.

Желтоқсан айының басында қор 2021 жылға арналған ТМККК және МӘМС пакеттері бойынша меди­циналық қызметтердің негізгі көлемін сатып алуды жариялады. Негізгі сатып алу сомасы шамамен 1,5 трлн теңгені құрады. Бұл сома жыл соңына дейін орта есеппен 20%-ға артады деп болжануда.

– 2020 жылы пандемияға байланыс­ты халыққа арналған бастамалардың бір бөлігін жүзеге асыра алмадық. Бірақ біз алған бетімізден қайтпай, осы жылы бұл жоспарды іске асыру­ды жалғастырамыз. Бұл – ең алдымен амбулаторлық-емханалық көмек көрсету, мектеп медицинасын дамыту, стационарды алмастыратын көмек, оңалту. Халықтың қажет­тілігінің артуын және елдегі эпиде­миялық жағдайды ескере отырып, медициналық көмекті сатып алу көлемі ұлғайды. Сақтандырылған халық үшін мамандандырылған медициналық көмектің, оның ішінде ауылдық жерлерде қымбат жоғары технологиялық қызметтердің көлемі артты. Сондай-ақ дәрігерлердің жалақысын 30%-ға дейін және орта медицина қызметкерлерінің жалақысын 20%-ға дейін арттыруға қаражат жоспарланған. Ауылдық жерлерде медициналық қызметтердің қолжетімділігін арттыру да назардан тыс қалған жоқ, осы бағыт бо­йынша қаржыландыру көлемі
20%-ға өседі. Президент Қасым-Жомарт Тоқаевтың тапсырмасы бойын­ша ЭКО қызметтерінің саны жеті есеге артқанын атап өткен жөн. Егер 2020 жылы 1000-нан аса отбасыға ата-ана болу қуанышын сезіну мүмкіндігі туса, 2021 жылы олардың саны 7 мыңға дейін артады, – деді Б.Төкежанов.