Аудан әкімі Бақытжан Ақжаровтың айтуынша, өнеркәсіп өндірісінің көлемі өткен жылдың 12 айы ішінде 215 млрд. теңгені құрады (2019 жылдың 12 айында – 184,4 млрд. теңге). ЖКИ – 105,7%. Негізгі капиталдағы инвестицияның көлемі – 81,5 млрд. теңге немесе 113,2 % (2019 жылдың 12 айында – 68,1 млрд. теңге). Құрылыс жұмыстарының көлемі – 26,5 млрд. теңге немесе 138 % (2019 жылдың 12 айында – 16,8 млрд. теңге).
104,1 мың шаршы метрлік тұрғын үй пайдалануға енгізілді (2019 жылдың 12 айында – 108,7 мың шаршы метр ). 96 млрд. теңге салық жиналып, өсім қарқыны өткен жылмен салыстырғанда 101% құраған. Салық жинау бойынша жоспар 107% орындалды.
Биылғы жылы 139,1 мың. м2 немесе 42 КТҮ (көп қабатты тұрғын үй) (1967 пәтер) пайдалануға енгізу жоспарлануда, ЖТҚ (жеке тұрғын үй құрылысы) болжамы 30 мың метрге жуық.
Сауда орындарына заманауи форматын енгізу аясында 9 базардың 5-уіне жаңарту жұмыстары жүргізілді («Түрксіб» жәрмеңкесі, «Мехрениса», «Жетысу Семиречье», «Үмит», «Бахар»), Керуен базарын жаңарту жұмыстары аяқталуда. 2022 жылдың соңына дейін Алтай, Сапар, Ақбұлақ базарларын жаңарту жоспарлануда.
Карантин режимін енгізуіне байланысты бизнесті және өнеркәсіпті қолдау үшін мемлекеттік кешендік шаралар әзірленді. Аппарат қызметкерлерімен апта сайын кәсіпкерлерге арналған мемлекеттік жеңілдікпен несиелеу және қаржылық емес қолдау бағдарламасы бойынша түсінік беру және таныстыру үшін Кәсіпкерлік және инвестиция басқармасының, «Qolday» қолдау орталығы, «Даму» қоры, «Атамекен» РПП, «Almaty finance», «Almaty MFO» шағын қаржы ұйымының өкілдерінің қатысуымен кездесулер және семинарлар ұйымдастырылып отырады. Өткен жылы 6,9 млрд. теңге сомасына 17 жобаға қолдау шарасы көрсетілген.
АЛМАТЫ
