Аймақтар • 22 Қаңтар, 2021

«Жұмыспен қамту жол картасы» аясында 23 жоба жүзеге асты

74 рет
көрсетілді
3 мин
оқу үшін

Түрксіб ауданының өткен жылғы әлеуметтік-экономикалық даму қорытындылары  және биылғы жоспарлар жайында өңірлік коммуникациялар алаңында аудан әкімі Бақытжан Ақжаров таныстырды, - деп хабарлайды Egemen.kz

«Жұмыспен қамту жол картасы» аясында  23 жоба жүзеге асты

Түрксіб ауданы 1938 жылы құрылған қаладағы ең ескі аудандардың бірі. Ауданның жалпы алаңы 7 546,9 гектарды құрайды. Ал аудан халқының саны  244 мыңнан асады. Ауданда 24 678 жекеменшік және 27 692 пәтерден тұратын 1 185 көппәтерлі тұрғын үй, 7 887 заңды тұлғалар тіркелген, олардың ішінде 7351 ШОБ (шағын орта бизнес) өкілдері, 9-базар, 29 жалпы білім беретін мектеп (2 жекеменшік), 2 жоғары оқу орыны, 6 колледж, 90 мектепке дейінгі блімі беретін мекеме (23 мемлекеттік, 40-жекеменшік және шағын орталықтар), 7 емхана, 6 аурухана (оның ішінде перзентхана), 1 театр,5 кітапхана, 9 спорттық нысандар бар.    

Пандемияның күрделі жағдайына қарамастан аудан жақсы жетістіктерге жеткен. Өнеркәсіптік өндірістің 12 ай ішіндегі көлемі 215 млрд теңгені (12 ай 2019 жыл 194,4млрд теңге) құрайды. Негізгі қорға құйылған инвестицияның көлемі 81,5млрд теңге немесе113,2%(12 айда 2019 жыл-68,1 млрд теңге ) құрайды.104,1 мың шаршы метр тұрғын үй қолданылуға берілді.Былтырғы жылмен салыстырғанда 101% құрап, 96 млрд теңге салық жиналды.Салық жинау  жоспары 107%  орындалды.

Биылғы жылы 139,1 шаршы метр немесе 42 КҚТҮ(1967 пәтер) қолдануға беріледі деп жоспарлануда, 30 мың шаршы метрден астам ЖТҚ болжалып отыр.

Сонымен бірге «Жұмыспен қамту жол картасы» және «Қатысу бюджеті» бағдарламасын жүзеге асыру жаңа жұмыс орындарын құруға және ауданның көріктендіру жағын жақсартуға мүмкіндік берді. Ауданда «Жұмыспен қамту жол картасы» бағдарламасы бойынша  23 жоба жүзеге асырылды.  «Жас Қанат» ықшам ауданындағы саябақты, Соболев, Ақан Сері, Международный көшелеріндегі, «Маяк» ықшам ауданындағы балалар ойын алаңдарын, «Әлмерек» ықшам ауданындағы және Полесский көшесіндегі спорт алаңын көріктендіру бойынша жұмыстар жүргізілді.  Арық жүйелеріне, 4 бала-бақшаға, ВАЗ айналма жолына, «Шуақты» ықшам ауданындағы жаяу жүргіншілер жолына, Сауранбаев көшесіндегі жаяу жүргіншілер аумағын көріктендіру, 95 аула аумағына күрделі жөндеу және 115 аулаға ағымдағы жөндеу жұмыстары жүргізілді. 

Инфрақұрылымдық жобаны жүзеге асырудағы әлеуметтік-экономикалның нәтижесі 1 407 жұмыс орынын құру, оның ішінде 704 орын Жұмыспен қамту орталығы арқылы жүзеге асқан. Өткен жылы 55,7 млн. теңге сомасында аудан аумағын көріктендіру бойынша 5 жоба жүзеге асқан. Алматы қалалық «Бюджетке қатысу» жобасы бойынша 2021 жылы аудан тұрғындарынан 38 жоба бойынша өтінім берілді, оның ішінде:  аулада және жалпы пайдаланатын орындарда балалар ойын алаңдарын орнату, жөндеу,спорт алаңдарын жабдықтауға – 26 жоба, аумақты көгалдандыру-2 жоба, қоғамдық пайдалану орындарын,жаяу жүргіншілер аумағын және басқа да нысандарды жөндеу,жарықтандыру құруға 9 жоба, аумақты санитарлық тазалауда- тұрмыстық қалдықтарды жинауда бойынша 1 жоба.    

АЛМАТЫ