Спорт • 28 Қаңтар, 2021

Қуат Хамитов соттағы соңғы сөзін айтты

266 рет көрсетілді

Алматы қаласында Қуат Хамитовтың сот процесі әлі де жалғасып жатыр, деп хабарлайды Egemen.kz

«Құрметті сот, мен үшін ең маңызды мәселе шетелге шығуға мүмкіндігімнің болуы. Себебі мен елімнің намысын қорғап жүрмін. Жазам қандай болса да, көнемін. Тек шетелге шыға алсам болды. Менің алға қойған мақсатым көп», деп соңғы сөзін айтты.

Сот үкімі бүгін сағат 14:30-да жарияланады.

Еске сала кетсек, өткен жылдың қыркүйек айында ММА ұйымында өнер көрсетіп жүрген қазақстандық Қуат Хамитов әлеуметтік желілердегі зорлық-зомбылыққа шақырған видеосына байланысты Алматы Полиция департаментіне жеткізілген болатын.

Ол ҚР ҚК 272-бабының 3-бөлігінде көзделген қылмыстық құқық бұзушылық жасады деп күдікке ілінген (Билік өкілдерінің заңды талаптарына және жаппай тәртіпсіздіктерге белсенді бағынбауға шақыру, не жаппай тәртіпсіздіктерге арандату, сол сияқты азаматтарға зорлық-зомбылық жасауға шақыру).

 

Айтолқын МЫРЗАКАРИМ

Соңғы жаңалықтар

Әулие ата һәм ұлы жырау

Руханият • Кеше

Ұқсас жаңалықтар