Жаңа кодекстің артықшылығы түсіндірілді

 

Өңірдегі экобелсенділер мен қоғам қайраткерлері аталған құжат­тың биоалуандылықты сақтау­дағы маңыздылығына ерекше тоқ­талды. Жаңа заңға сәйкес өнеркә­сіп кә­сіпорындары қоршаған ортаға шы­ғарындыларды азайтуға бағытталған жұмысқа белсене кірісуге дайын екен­дерін жеткізді.

«Қабылданған жаңа Экологиялық кодекс өндірісі дамыған Маңғыстау өңірі үшін негізгі қажетті құжаттың бірі екені сөзсіз. Сондықтан онда көр­сетілген талаптарды іске асыру табиғат пайдаланушылар мен жалпы халықтың негізгі міндеті саналады», деді Маңғыстау облысының әкімі Серікбай Трұмов.

Мағзұм Мырзағалиев тиісті рефор­ма Экономикалық ынты­мақ­тастық және даму ұйымы елдерінің тәжірибесі негізінде әзірленгенін айтты.

«Экологиялық кодекстің маңыз­дылығы – адам өмірі мен денсау­лығы, қолайлы өмір сүру ортасын қам­та­масыз ету, ірі және шағын бизнестің қызметін, олардың қоршаған ортаны қорғау саласындағы қызметін рет­теу сияқты бүкіл қоғамның мүдде­сіне әсер ететінінде жатыр. Кодекс Қа­зақ­стандағы, соның ішінде Маң­ғыс­тау облысындағы экологиялық жағдайды жақсартудың негізгі құра­лына айналады», деді министр.

Маңғыстау облыстық «Табиғи ор­та» аймақтық қауымдас­тығы кеңе­сінің төрағасы Әділ­бек Қо­зыба­қов Кодекстің биоалуан­ды­лықты сақ­тау­ға қосатын үлесіне тоқталды.

«Кодексте биоалуандылық түсі­нігі кеңінен түсіндіріледі. Соны­мен бірге биоалуандылықты сақ­­­тау шаралары иерархия бо­­йынша, яғни келтірілетін қауіп­ке қарай қарас­ты­рылады. «Таби­­ғи орта» қауым­дастығы­ның био­рес­урстарды сақтау жөнін­дегі инс­пек­циясы тек брако­ньерлік­пен күрес­те ғана емес, бірінші дәрежелі кә­сіп­­орындардың Кодекс талаптарын сақтауына мем­ле­кеттік қадағалау жүргізуде де кө­мек­­тесуге дайын», деді ұйым өкілі.

Еліміздегі 50 ірі ластаушы ком­пания қатарына кіретін «Маң­ғыс­таумұнайгаз» АҚ заңдардың талабына сәйкес озық қолжетімді техно­логияға көшуге дайындық жүріп жатқанын жеткізді.

Экологиялық кодекс шеңберінде Кәсіпкерлік, Қылмыстық, Су кодекс­терінің және тағы басқа да заңдардың нормалары қайта қа­рал­ды, сондай-ақ заңдардың жобасын іске асыру аясында 140-қа жуық нормативтік-құқықтық акті қабылдау жоспарланып отыр.

Мысалы, эмиссия нормасынан асқан  жағдайда кәсіпорынға салынатын айыппұл 10 есе, ауа­ны қорғау мен өрт қауіпсіздігі та­лаптарын сақтамау бойынша айып­пұл 5 есеге өсті. Жеке тұлғаны әкім­шілік жазаға тарту ұзақтығы 2 айдан 1 жылға, заңды тұлғаға 1 жылдан 3 жылға көбейді.