Ауданда оқушылар мен мектепке дейінгі орындардың тапшылығын қысқарту және білім беру сапасын арттыру мақсатында ауданда жалпы білім беру мекемелерінің құрылысы мен күрделі жөндеу жұмыстары жүргізілуде. № 140 гимназияға жапсарлас 300 орынға арналған құрылыс аяқталды. №38 және №60 гимназияларға, сондай-ақ №191 жалпы білім беретін мектепке жапсарлас құрылыс салу жалғасуда. №40, 45, 81 3 мектепте сейсмикалық күшейтумен күрделі жөндеу жүргізілуде. 28 балабақшада жөндеу жұмыстары аяқталды. «Асыл Тау» тұрғын үй кешенінің аумағында 195 орындық №191 балабақшаның құрылысы аяқталды. Нұр Алатау шағын ауданында 45 орындық «Альтар» жеке меншік балабақшасы ашылды. №113 бөбекжай ғимаратын қалпына келтіру жұмыстарымен сейсмикалық нығайту және күрделі жөндеу жоспарлануда.
Қолданыстағы 250 орындық ғимаратты бұза отырып, М.Төлебаев атындағы №5 музыкалық мектеп ғимаратының құрылысы аяқталды. Көпбалалы және аз қамтылған отбасылардың балалары үшін тегін негізде «Әуен әлемі» мектебі ашылды.
«Осы жылы біз білім саласына баса назар аударуды жоспарлап отырмыз. Біздің ауданда 56 мемлекеттік және жекеменшік мектеп жұмыс істейді, сонымен қатар 5375 оқушы орнының тапшылығы бар. Біздің ауданда жаңа мектептер салу үшін жер телімдері жоқ екені баршаға мәлім. Сондықтан оқушы орындарының тапшылығы мәселесі қолданыстағы оқу орындарына қосымша құрылыс салу арқылы шешілуде», - деп атап өтті аудан әкімі.
Биыл 3000 орындық бес мектепке жапсарлас құрылыс салуды аяқтау жоспарлануда. Бұдан басқа, үш мектепте және бір балабақшада сейсмикалық күшейту және күрделі жөндеу жұмыстарын жүргізу жоспарлануда.
Сонымен бірге ауданда үш дәрігерлік амбулатория жұмыс істейді, «МИПО»клиникасының құрылысы аяқталды. Клиниканың қуаттылығы 40 оңалту төсегін құрайды, 100 адамға арналған жаңа жұмыс орындары құрылды.
Қала әкімі Бақытжан Сағынтаевтың тапсырмасы бойынша сапалы медициналық қызмет көрсету және аудан тұрғындарына медициналық көмектің қадамдық қолжетімділігін қамтамасыз ету үшін ағымдағы жылы 2 дәрігерлік амбулатория ашу жоспарлануда. Сондай-ақ, балалар қалалық клиникалық жұқпалы аурулар ауруханасының ғимаратына 70 төсек-орынға арналған қосымша құрылыс салу бойынша жұмыстар басталады.
Ауданда сондай-ақ «Шырақ» мүгедектігі бар әйелдер қауымдастығы ҚБ жанында «Ten Qogam» әлеуметтік орталығы жұмыс істейді. Жыл басынан бері және карантин кезінде барлығы 21 576 көмек көрсетілді. Оның ішінде көп балалы және аз қамтылған отбасылар - 17 528, мүгедектер - 2275, ардагерлер мен зейнеткерлер - 1773.
Кездесу барысында аудан әкімі тұрғындардың тұрғын үй-коммуналдық жағдайын жақсарту үшін «Нұрлы жер» бағдарламасы бойынша 39 КПТҮ жөндеу жұмыстарын жүргізу жоспарланғанын атап өтті.
«Шетсіз қала» қағидаты бойынша қаланы дамыту туралы қала басшылығының тапсырмасына сәйкес ауданда қосылған кенттердің тұрғындарын сапалы ауыз сумен қамтамасыз ету бойынша жұмыстар жүргізілуде. Ол үшін Нұрлытау шағын ауданында өнімділігі тәулігіне 9 000 текше метр тазарту құрылыстарын, ұзындығы 42 км сумен жабдықтау және су бұру желілерін салуға арналған жобалау-сметалық құжаттаманы әзірлеуді аяқтау жоспарлануда.
Сонымен қатар, ұзындығы 3,4 км сумен жабдықтау, 2,5 км жылумен жабдықтау және 19,8 км газбен жабдықтау желілерін реконструкциялау және жаңаларын салу жоспарлануда. «Бүгінгі таңда ауданды газбен 100% қамтамасыз ету міндеті тұр. Ауданда 6363 жеке сектор үйлері бар, олардың 99,5% - ы газдандырылған. Қалған 158 үй ағымдағы жылы газ құбырына қосылатын болады», - деді А.Рахымбетов. Аудандағы газ құбыры желілерінің ұзындығы 449 км. Өткен жылы 128 жеке үй газдандырылды.
Аудан әкімі абаттандыру, жарықтандыру, жол-көлік инфрақұрылымына да тоқталып, «Бюджетке қатысу» жобасы аясында ауданда өткен жылы 13 миллион теңгеге 3 жоба іске асырылғанын жеткізді.Осы жылы 772 млн теңге сомасына 25 жобаны іске асыру жоспарланып отыр. Бұл жобалар: Үлкен Алматы өзенінің жағалауын ағымдағы жөндеу, Көкшоқы шағын аудандағы жарықтандыруды жөндеу. Бағанашыл шағын ауданындағы қала тұрғындарының демалысына арналған шағын бақ., № 3 Оқушылар үйінің аумағын ағымдағы жөндеу және т. б.
Қоғамдық қауіпсіздік және карантиндік шаралардың сақталуына тоқталған аудан әкімі құқықтық тәртіпті нығайту, Бостандық ауданы тұрғындарының қауіпсіздігін қамтамасыз ету үшін 5 стационарлық модуль орнатылғанын жеткізді. Карантин режимінің бұзылуына мониторинг жүргізу және анықтау мақсатында 4 мобильді топ жұмыс істейді.
Өткен жылы олар 3 447 нысанды тексеріп, 797 хаттама толтырған.
