Орта ғасырдағы жаугершілік күндердің бірінен бастау алатын оқиғада Мерген есімді балаға батыр әкесінің жанында жоқтығын білдіртпей, ерте есейіп, туған ауылы тастап кеткен өз отбасын қорғауына тура келеді. Ал Мергеннің бақсы әжесі оған өз күшін табыстайды, бірақ қазақ жауынгер-хабаршының ханға әкелген ақпараты отбасына қауіп төндіреді. Режиссер Райымбек Әлжанов ұлттық фольклор мен қызықты визуалды шешімдер картинаның сценарийінің негізінде жатқан терең мағынаны керемет толықтырады деп біледі.
«Шындығында, тарихи декорациялар – жай ғана декорациялар. Мен оны қолданбасам да болатын еді. Бірақ оқиғаның барлық мүмкіндігін осылай ашамын деген шешімге келдім. Қазақ фольклорын енгізгім келді. Маған біздің ертегілер, тарихымыз өте ұнайды. Тәжірибе жасап көргім келді. Режиссер ретінде, өзімді іздеу үстіндемін, өз жанрымды, өз көрерменімді, өзіндік жеткізу тәсілімді тапқым келеді. Сценарийді де осыған қарайлап отырып жаздым. Ал бұл жүректің түбінен шыққан менің оқиғам», дейді режиссер.
«Таутай-Лақ» авторларының айтуынша, Ұлттық киноны қолдау мемлекеттік орталығымен ынтымақтастық орнатудың көрнекілік тұрғысынан ықпалы зор болған. Атап айтқанда, Кино орталығына келесі питчингтерде дебюттік картиналар үшін кейбір ережелерді өзгертуге қатысты ұсыныс бар.
«Әсіресе дебютанттарға жеке назар аударғандарын қалар едім, атап айтқанда, тарихи жанрда немесе ғылыми фантастика жанрында түсіретін дебютанттарға. Көптеген сәт егжей-тегжейлі зерттеуді қажет етеді, бірақ импровизацияға аз уақыт болған кезде, оны іске асыру қиын», дейді Райымбек Әлжанов.
