Кездесуде «Инвестиция, денсаулық сақтау, сауда, туризм сияқты салалардағы әріптестік қатынасты дамыту мәселесін талқылап, ынтымақтастықтың перспективалық бағыттарын қаралды», деп жазды мегаполис басшысы.
MEDEF – Франция үкіметінің әлеуметтік және экономикалық келіссөздердегі серіктесі. Әрі барлық салалардағы 800 мың француз кәсіпорындарын біріктіретін MEDEF – «Франция кәсіпорындарының қозғалысы» Франциядағы ең ірі жұмыс берушілер федерациясы болып табылады.
Бүгінде Қазақстанда француз капиталы түрлі салаларда 200-ден астам кәсіпорындарға салынған. Олардың қатарында Total, Orano, Alstom және басқа да ірі трансұлттық корпорациялар бар. Тәуелсіздік жылдары Франция компаниялары Қазақстанға 16,4 млрд доллардан астам инвестиция салды.
Екі елдің бизнес құрылымдары арасындағы өзара тиімді ынтымақтастықты нығайтуда энергетика, су шаруашылығы және тұрғын үй-коммуналдық инфрақұрылымын жаңғырту, цифрлық денсаулық сақтау, биометриялық жүйелер, автомобиль құрастыру, трансформатор өндірісі, ғарыштық жерсеріктерді құрастыру және т.б. салалардағы бірлескен жобалар бар.
