Әдебиет • 04 Наурыз, 2021

Қазақ жазушысының шығармалары әлемдік жинаққа енгізілді

46 рет көрсетілді

Алматыда балаларға арналған И.Крылов атындағы кітапханада тұманды Альбионнан жеткен жаңа бір кітаптың тұсаукесері өтті. Халықаралық Қазақ ПЕН-клубының ұйытқы болуымен Лондонда басылған «The crossing end other stories» жинағына қазақ әдебиетінің классигі Сайын Мұратбековтің шығар­мала­ры еніп отыр. Кітап Алматы қаласы әкімдігінің демеушілігімен жарыққа шыққан.

Кітаптың тұсаукесер рәсіміне Алматы қаласы Мәдениет басқармасының басшысы Ғани Майлыбаев қатысып, қалалық әкімдік тарапынан қаламгерлерді қолдау мәсе­лесіне қатысты жұмыстарды атап өтті.

Жарты жылдан астам уақытқа созылған жұмыс нәтижесінде Сайын Мұратбековтің «Түнгі жауын», «Әже», «Бірінші қар», «Қысқы кеш», «Жастардың отауы», «Мұқтардың бүркіті», тағы да басқа әңгі­мелері, повестері мен  новеллалары ағыл­шын тіліне аударылып, осы жинаққа топтас­тырылып отыр. Жинақты ағылшын тіліне аударған Саймон Холлингсворд болса, редакторы Саймон Гейган.

Халықаралық Қазақ ПЕН-клубының президенті Бигелді Ғабдуллиннің айтуынша, алдағы уақытта бұл жинақ «Біз – қазақтар... Қазақ әдебиетінің классикасы» үздік шығармалар сериясымен жалғасын таба беретін болады. 250-300 данамен басылатын қазақ қаламгерлерінің шығармалары Amazon интернет-дүкенінде орналастырылып, Оксфорд, Кембридж, Лондон универ­ситеттерінің кітапханаларынан орын алуда. Бұл өз кезегінде қазақ әдебиетінің әлемдік қауымдастықтағы беделін арттыра түседі.

 

АЛМАТЫ

 

Соңғы жаңалықтар

Қилы-қилы тағдырлар

Тарих • Бүгін, 19:30

Тозақтан өтсе де түңілмеген

Руханият • Бүгін, 18:00

Радист қазақ қыздары

Тарих • Бүгін, 17:10

Қарсы барлаушылар қаһармандығы

Руханият • Бүгін, 15:50

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Елбасы және Қазақстан армиясы

Елбасы • 07 Мамыр, 2021

Бублик Карцевті қапы қалдырды

Теннис • 07 Мамыр, 2021

Ұқсас жаңалықтар