Аймақтар • 04 Наурыз, 2021

Жолаушыға жәутеңдеген жануар

1506 рет көрсетілді

Қостанай өңірінде өткен аптада болған боранның «жыры» әлі таусылар емес. Табиғаттың дүлей мінезі адам түгілі – жаны сірі жабайы жануарларға да оңай тимепті.

Денисов ауданының 19 жастағы тұрғыны Абылайхан Қуандық жол шетінде әбден әлсіреп, теңселіп құлауға шақ тұрған елікті құтқарып қал­ғанын айтты.

– Біз ауылда өстік. Бала кезімізде ауыл іргесіндегі ор­манға жиі баратынбыз. Содан ба, жануарлар­ды жақсы көре­мін. 25 ақпан күні, жанымда інім Нұр­жан бар, екеуміз жеке кө­лігіммен Нұр-Сұлтан қала­сынан оқудан қайтып келе жатқанбыз. Ата-анамыз ауыл­да тұрады. Кенет жол ше­тінде тұрған елікті бай­қап қалдық. Әбден күші кетіп әлсірегенін бірден аң­­ғардық, бізден көмек сұ­рап тұрғандай көрінді. Жануардың тұмсығы мен кө­зіне айнала қалың қар қатып қалыпты. Басын көтере алмай, тұмсығы жер иіскеп тұр. Не айнала­сын көре алмайды, не тебін­деп жайыла алмайды. Әб­ден ашыққан. Көзі мен тұм­сы­ғына қатқан ап-ауыр қар­дан мойнын кө­те­ре алмай қал­ған, – деді Абы­лайхан.

Ағайынды екеу көліктен түсіп, есеңгіреп тұрған елікке жайлап жақындай бастайды. Әншейінде анадайдан үркіп, атырыла жөнелетін жүйрік жануар қасына таяп келген адамды сезуден қалған, аздап қорыққанымен, қашуға шамасы жоқ. Абылайхан артқы сирақтан шап беріп ұстағанда елік те жығылады.

–  Мен жібермей ұстап тұр­дым. Нұржан алдымен мұз болып қалған қатқақ қарды ұрып сындырып, еліктің тұмсығын аршыды. Ауырсынды ма, жануар ба­қырып жіберді. Одан кейін ақырындап көзін құрсап жауы­п қалған қат­қақты алып тастады. Көзі шай­дай ашылған жануар бір сілкініп алды да, беті ауған жаққа шаба жөнелді, – деді Абылайхан.

Жолаушылар жануарды қалай құтқарғандарын ви­деоға жазып алып, әлеу­мет­тік желіге салған екен, қа­ра­лымы күн санап көбейе түсіпті.

 

Қостанай облысы

Соңғы жаңалықтар

Тозақтан өтсе де түңілмеген

Руханият • Бүгін, 18:00

Радист қазақ қыздары

Тарих • Бүгін, 17:10

Қарсы барлаушылар қаһармандығы

Руханият • Бүгін, 15:50

Ескерусіз кеткен есіл ер

Таным • Бүгін, 12:50

Майдангердің өнегелі жолы

Руханият • Бүгін, 10:55

Ржев шайқасының қаһарманы

Тарих • Бүгін, 10:30

Тұрлауы қиын тағдырлар

Тарих • Бүгін, 09:30

Ардагерлер азайып бара жатыр...

Қазақстан • 07 Мамыр, 2021

Елбасы және Қазақстан армиясы

Елбасы • 07 Мамыр, 2021

Бублик Карцевті қапы қалдырды

Теннис • 07 Мамыр, 2021

Ұқсас жаңалықтар