Қаржы • 15 Наурыз, 2021

Шетелдік биржалардағы шығындар ескеріле ме?

17 рет көрсетілді

Қаржы министрлігінің Мемлекеттік кірістер комитеті жеке тұлғалардың шетелдік биржаларда акцияларды сату кезінде құн өсіміне салық салу тәртібі туралы сұрақтарына жауап берді.

Шынында да, қолданыстағы салық заңнамасына сәйкес құнның өсімі анықтаған кезде биржа комиссиялары, делдалдар немесе депозитарий сияқты шығыстарды шегеру және шеккен залалды кейінге шегеру де қарастырылмаған. Жеке тұлғалардың шетелдік қор биржаларында тұрған акцияларды сатудан түскен табысын алуға байланысты шығыстарды шегеру мәселесі қарастырылып жатыр ма?

Ведомствоның түсіндіруінше, қазіргі уақытта, Ұлттық экономика министрлігінің алаңында салық заңнамасын жетілдіру жөніндегі жұмыс тобы шеңберінде салық заңнамасына бірқатар түзету енгізу қарастырылуда. Жеке тұлғалардың кірістің осы түрін алуына байланыс­ты шығыстарды шегеру мәселесі де қарастырылып жатыр. Аталған талқылауға жеке адамдар да қатыса алады. Ол үшін сіз Ұлттық экономика министрлігіне әлемдік тәжірибенің заңнамалық тұрғыдан реттелетін нормаларын ескере отырып, құнның өсуін анықтау туралы көзқарасыңызды жібере аласыз.

Неліктен шеккен залалды кейінге шегеру қарас­ты­рыл­ма­ған?

Келтірілген шығындар туралы айта кету керек, шеккен за­лал ұғымы «классикалық» түрде де, Салық кодексінің 299-бабына сәйкес те, шығындардың кірістен асып түсуін біл­­діреді. Бұл кірістер, ең алдымен, өндірістік қызмет нә­ти­жесінде пайда болады.

Бағалы қағаздарды сатудан түскен кірістер «пассивті» кіріске жатады. Ал жеке тұлғалар мұндай операциялардан түскен кірістер мен шығындарына есеп жүргізбейді. Сәйкесінше, мұндай операциялардан шеккен залалдар болашақта есепке алынбайды.

 

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар