Қазақстан • 20 Наурыз, 2021

Асқар Мамин қазақстандықтарды Наурыз мейрамымен құттықтады

12 рет көрсетілді

ҚР Премьер-Министрі Асқар Мамин қазақстандықтарды Наурыз мейрамымен құттықтады.

Қымбатты қазақстандықтар!

Сіздерді Наурыз мейрамымен шын жүректен құттықтаймын! Бұл көктемгі мерекені халқымыз жаңа жылдың басы және тіршілік атаулының түрленетін кезі ретінде қастерлейді.

Наурыз адамдардың бойында ең жарқын және ізгі тілектерінің орындалуына үміт ұялатып, кемел келешекке бастайды.

Ұрпақтан ұрпаққа жалғасып келе жатқан Наурыздың ежелгі дәстүрлері адамға ең жақсы сезімдерді сыйлап, айналасындағыларға мейірімділікпен көңіл бөлуге, қонақжайлылық танытуға, өзара көмек көрсетуге, табиғатпен үйлесім тауып өмір сүруге жетелейді. Көктемнің келуімен адамдар бір-біріне ең ізгі тілектерін арнап, ағаш отырғызады, бұлақтардың көзін аршып, қамқорлық пен қолдауды қажет ететін тіршілік иелеріне көмектеседі.

Тәуелсіздік алғаннан бері Наурыз мейрамын тойлау бейбітшілікті нығайтуда және еліміздің көпұлтты халқының бірлігін қамтамасыз етуде ерекше маңызға ие болды. Ол ұлтына, тілі мен дініне қарамастан, қазақстандықтардың ең сүйікті мерекелерінің біріне айналды.

Барлық қазақстандықтарға жақсылық, амандық-саулық пен өсіп-өркендеу тілеймін, әр отбасында қуанышты және жарқын күндер көп болсын!

Әз Наурыз халқымызға берекелі ырысын, шуақ нұрын ала келсін!

Ұлыстың ұлы күні құтты болсын!

Соңғы жаңалықтар

Белградта белдеседі

Спорт • Бүгін, 09:06

Жапонияда сынға түседі

Спорт • Бүгін, 09:03

Ең бастысы – азаматтардың сенімі

Қазақстан • Бүгін, 08:43

Smart Zholy жеңімпаздары анықталды

Қазақстан • Бүгін, 08:36

Құнды қағазға қызығатындар көп

Экономика • Бүгін, 08:32

Асыл ағаның шарапаты

Руханият • Бүгін, 00:08

Құймақұлақ

Руханият • Кеше

Газ бағасы неге қымбат?

Аймақтар • Кеше

Ұқсас жаңалықтар