Ыстанбұлдағы Вахдеттин павильонында видеобайланыс арқылы Түркі кеңесінің отырысында сөйлеген сөзінде мүше елдердің ынтымақтастығы әлемде болып жатқан өзгерістер алдында барған сайын зор маңызға ие болып отырғанын айтты. Ердоған түркі елдерінің стратегиялық маңызы мен өркендеуін Еуропамен байланысты үздіксіз қамтамсыз ететін Транскаспий Халықаралық Көлік Дәлізі (Орта дәліз) бастамасы одан сайын арттыра түсетініне сенімді.
Сондай-ақ саммит қорытындысы бойынша қабылданған декларацияға сәйкес, кеңестің Құрметті Төрағасы Нұрсұлтан Назарбаевтың Түркі кеңесінің атауын өзгерту туралы бастамасы қолдау тауып, сыртқы істер министрлері мен хатшылыққа 2021 жылдың күзінде Түркияда өтетін Түркі Кеңесінің 8-ші саммитінде осы шешімнің негізін қалау үшін тиісті құжаттар дайындау тапсырылды. Одан бөлек, Түркістан қаласы «Түркі әлемінің рухани астанасы» деп жарияланды. Экономикалық зор мүмкіндіктерді атап өткен мемлекет басшылары кеңестің стратегиялық маңызы бар өңірлік жобаларды, атап айтқанда, көлік, кеден, энергетика және инфрақұрылым саласындағы бастамаларды тиімді жүзеге асырудың маңыздылығына назар аударды.
