Алқалы басқосуда жергілікті атқарушы органдардың 2018-2020 жылдарға арналған сыбайлас жемқорлыққа қарсы стратегиясын іске асыру жөніндегі іс-шаралар жоспарын жүзеге асыру мәселелері, сондай-ақ «Алматы – Адалдық алаңы» жобалық кеңсесі қызметінің нәтижесі қаралды.
Жалпы іс-шараға қатысушылар сыбайлас жемқорлықтың алдын алу мен оны жоюға бағытталған заманауи сыбайлас жемқорлыққа қарсы ұлттық саясатты қалыптастыру жолындағы маңызды басымдықтарды атап өтті.
ҚР Сыбайлас жемқорлыққа қарсы іс-қимыл агенттігінің парасаттылық департаментінің директоры Ғанижан Асанұлы сыбайлас жемқорлық тәуекелдерін одан әрі жою мақсатында нормативтік-құқықтық база мен ұйымдастырушылық-басқарушылық қызметтің ерекшеліктерін зерделеу арқылы әкімдікте сыбайлас жемқорлықтың алдын алу деңгейін арттыру қажеттігін атап өтті.
Әкімнің орынбасары, «Алматы – адалдық алаңы» жобалық кеңсесінің кураторы Ержан Бабақұмаров жоба кеңсесі «Адалдық алаңы», «Адал көмек» және ақпараттық білім беру штабы» жобалары аясында қоғам өкілдері мен белсенді қайраткерлерді тарта отырып, сыбайлас жемқорлықтың алдын алу және қоғамдағы адалдық идеологиясын қалыптастыру бойынша ауқымды жұмыстар жүргізіп жатқанын жеткізді.
Сонымен қатар, жиында әкімшілік құқық бұзушылық туралы кодексі шеңберінде сыбайлас жемқорлыққа қарсы шараларды қабылдамағаны үшін менеджерлердің жауапкершілігін арттыру мақсатында сыбайлас жемқорлыққа қарсы заңнамалық жаңалықтар түсіндірілді.
Сыбайлас жемқорлыққа қарсы заңнама мақсатты және дәйекті саяси модернизацияға сәйкес халықаралық стандарттарды ескере отырып дамуда.
Жиын соңында Бақытжан Сағынтаев қалада сыбайлас жемқорлықтың алдын алуды одан әрі күшейту, дамушы еліміздің сыбайлас жемқорлыққа қарсы саясатына сәйкес әкімшілік рәсімдерді реттеуді жетілдіру бойынша нақты тапсырмалар берді.
