Оның айтуынша, наурыз айында жүргізілген сауалдама қорытындысы бойынша, халықтың инфляциялық ықтималдылығы 0,2%-ға өсті. Олардың бір жыл алға сандық бағасы 6,9%-ды құрады (ақпанда – 6,7%). Алдағы 12 ай ішінде бағаның қазіргі өсу қарқынының сақталуын немесе оның әлдеқайда көтеріле түсетінін күтетін респонденттердің үлесі 44%-ға дейін артты (ақпанда – 42%) (1-кесте).
Инфляцияны бағалауда бағаның өте жоғары болатынын атап өткен респонденттердің үлесі 46%-ға дейін төмендеді (ақпанда 53%).
Әдеттегідей, сауалдамаға қатысқандардың басым көпшілігі (88%) азық-түлік бағасының өсетінін айтады. Сонымен бірге азық-түлікке жатпайтын тауарлар бағасы көтеріледі деп белгілеген респонденттердің үлесі артты: 2021 жылдың ақпан айындағы 3,3%-дан наурызда 4,5%-ға дейін және қызметтерге – 2,5%-дан 3,4%-ға дейін (2-кесте).
Қазіргі қаржылық жағдайды бағалау теріс аймақта сақталып отыр. Наурызда пессимистік жауаптардың үлесі ақпандағы 35,5%-дан 36,2%-ға дейін өсті. Болашақ қаржылық жағдайға қатысты оң бағамдау басым, наурыз айында олар 38%-ға дейін өсті (ақпанда – 37%). Халықтың көлемдеп сатып алуға дайындығы өткен аймен салыстырғанда оң бағалардың өсуі есебінен біршама жақсарды: ақпан айындағы 13%-дан наурыз айында 15%-ға дейін.
2021 жылдың наурыз айында экономиканың дамуы бойынша қысқамерзімді және ұзақмерзімді болжам екінші ай қатарынан нашарлай түсті, дегенмен оң аймақта қалып отыр.